Other languages
- ...
- » پښتو (Pashto)
- » تاسو د اروپایي ټولنې (EU) یا د اروپایي اقتصادي ټولنې (EES) څخه بهر یو هیواد وګړی یا یو بې هیواده وګړي یاست
تاسو د اروپایي ټولنې (EU) یا د اروپایي اقتصادي ټولنې (EES) څخه بهر یو هیواد وګړی یا یو بې هیواده وګړي یاست
تاسو څوک چې د اروپایی ټولنې یا د اروپایي اقتصادي ټولنې څخه دباندې یو هیواد وګړي یا یو بې هېواده وګړي یاست او پلان لرئ چې دلته یو کال یا د یو کال څخه زیاته موده ژوند وکړئ نو په زیاتره مواردو کې باید د دې ځای د نفوسو د احوالو سجل کې راجستر اوسئ. د نفوسو د احوالو ثبتولو سجل کې نوم لیکنې لپاره باید په لومړي ګام کې په سویډن کې د هستوګنې اقامه ولرئ چې کم نه کم یو کال مودې پورې د اعتبار وړ وي.
ډ ټولنې چارې په سمه توګه پرمخ بیولو لپاره مهمه ده چې د نفوسو د احوالو ثبتول د واقعیت او حقیقت سره سمون ولري ځکه چې دا د راتلونکي وخت د کورونو، ښوونځیو، عامه روغتیایي چارو او پالنې په برخه کې د پلان او طرح جوړولو لپاره د اساس حیثیت لري. په دې اساس باید تاسو خپل د اوسېدو په آدرس باندې د نفوسو د احوالو سجل کې ثبت اوسئ. که چېرې تاسو کډه وکړئ نو مکلف یاست چې د مالیې عمومي ادارې (سکاتی ورکت) ته د خپل نوي آدرس په اړه خبرتیا ورکړئ.
د اروپایي ټولنې یا د اروپایي اقتصادي ټولنې څخه بهر یو هیواد څخه راتلونکي د کورنۍ غړي
ستاسو د کورنۍ هغه غړي چې د اروپایي ټولنې یا د اروپایي اقتصادي ټولنې څخه بهر یو هیواد وګړي دي او تاسو سره یو ځای راکډه کېږي، هم باید د هستوګنې اقامه ولري.
تاسو څوک چې د هستوګنې اقامه لرئ
د نفوسو د احوالو سجل کې نوم لیکنې لپاره باید تاسو عریضه وړاندې کړئ چې تاسو په سویډن کې میشته کېدل غواړئ. دا کار د مالیې عمومي ادارې د عامه خدمتونو یو دفتر ته د مراجعې له لارې ترسره کولای شئ. د عامه خدمتونو دفتر ته د مراجعې په وخت باید د ماشومانو په شمول ستاسو د کورنۍ ټول غړي شخصاً حاضر وي. د مالیې عمومي ادارې (سکاتی ورکت) لخوا د نفوسو د احوالو په سجل کې راجستر کېدو څخه وروسته تاسو ته یو لیک دراستول کېږي چې ستاسو پېژند شمېرې (پرشون نمبر) په کې لیکل شوي وي.
- د عامه خدمتونو دفتر ته لاندې اسناد له ځانه سره راوړئ
- تاسو سره ترټولو نږدې د عامه خدمتونو دفتر
- آیا د هویت کارت ته اړتیا لرئ؟
تاسو څوک چې د اروپایي ټولنې (EU) یا د اروپایي اقتصادي ټولنې (EES) یو بل هېواد کې د هستوګنې اقامه لرئ
که چېرې تاسو د اروپایي ټولنې یا د اروپایي اقتصادي ټولنې (EES) یو بل هېواد کې د هستوګنې اقامه لرئ نو په سوېډن کې د هستوګنې اقامه ترلاسه کولو لپاره باید د کډوالو چارو ادارې تا مراجعه وکړئ.
تاسو څوک چې د هستوګنې اقامه نه لرئ
که چېرې تاسو د هستوګنې اقامه نه لرئ نو باید د کډوالو چارو ادارې ته مراجعه وکړئ ترڅو په سوېډن کې د هستوګنې اقامې لپاره عریضه کولو په اړه مالومات ترلاسه کړئ.
د عامه خدمتونو دفتر ته د وړاندې کولو لپاره اسناد
تاسو څوک چې سویډن کې میشت کېدونکي یاست باید لاندې اسناد د مالیې عمومي ادارې د عامه خدمتونو دفتر ته د راتګ په وخت له ځانه سره ولرئ:
پاسپورټ.
1
په سویډن کې د هستوګنې د اقامې کارت.
2
داسې اسناد چې ستاسو مدني حالت څرګندوي، د مثال په توګه نکاح خط. که چېرې مجرد یاست نو مدني حالت څرګندولو ته اړتیا نه لرئ.
مدني حالت
مدني حالت په لاندې ډولونو دی:
- مجرد (یعنې تاسو هیڅ کله د نکاح له لارې واده نه دی کړی او نه مو کله راجستر شوی د ژوند ملګری درلودلی)
- متاهل یا راجستر شوی د ژوند ملګری
- کونډه، کونډ یا پس له مرګه پاتې شوی د ژوند ملګری
- مطلق/مطلقه یا مطلق/مطلقه د ژوند ملګری
3
د پیدایښت تصدیق، که چېرې تاسو ماشومان لرئ
4
ستاسو د هستوګنې آدرس په اړه مالومات له ځانه سره یو داسې کاغذ راوړئ چې لاندې مالومات پکې لیکل شوي وي:
- د کور پته
- د اپارتمان شمېره، که چېرې تاسو په اپارتمان کې اوسېږئ
- که چېرې تاسو د بل چا په کور کې ژوند کوئ او ستاسو نوم په دروازه نه وي لیکل شوی نو د چا سره چې ژوند کوئ د هغې نوم په اړه مالومات له ځانه سره راوړئ
- که چېرې تاسو په کرایي کور کې اوسېږئ نو د کرایې قرارداد له ځانه سره راوړئ.
5
د ۱۸ کالو نه کم ماشومان
کله چې د ۱۸ کالو نه کم یو ماشوم وغواړي چې سویډن کې میشت شي نو باید د ماشوم ټول سرپرستان په شريکه عریضه وکړي چې ماشوم سویډن کې میشت کېدل غواړي. که چېرې د ماشوم سرپرست د هېواد څخه بهر میشت وی نو باید په سویډن کې د میشت کېدو په اړه یوه لیکل شوي موافقه وړاندې کړي. هغه ماشومان چې عمر یې د ۱۶ کالو نه پورته وي کولی شي چې د سرپرستانو موافقې څخه پرته په خپله عریضه وکړي.
د اسنادو اصل وړاندې کړئ
په پام کې وساتئ چې تاسو باید د ټولو اسنادو اصل له ځانه سره ولرئ چې ستاسو مدني حالت یا اړیکه په ثبوت رسوي.
که چېرې ستاسو پاسپورټ یا نور اسناد د کډوالو چارو ادارې سره پاتې وي نو باید د کډوالو چارو ادارې څخه خپل اسناد وغواړئ او یا د اسنادو یو تصدیق شوی نقل راوړئ.
تصدیق په دې مانا چې یو څوک اقرار وکړي چې نقل د سند اصل سره مطابقت لري. تصدیق کوونکی باید د نقل لاندې لاسلیک وکړي او خپل نوم او د ټیلیفون شمېره ولیکي. د کډوالو چارو اداره تاسو سره د تصدیق په برخه کې مرسته کولی شي.
که چېرې ستاسو په پاسپورټ کې د اقامې مهر لګېدلی وي
په پاسپورټ کې د اقامې مهر چې په سویډن کې د اقامې درلودلو ثبوت و، د کال ۲۰۱۵ د مئی ۲۰ څخه راپدیخوا د اعتبار وړ نه دی. تاسو څوک چې لاتراوسه په پاسپورټ کې د اقامې مهر لرئ باید د کډوالو چارو اداره کې یو وخت ونیسئ ترڅو د مهر په ځای د اقامې کارت ترلاسه کړئ.
د کال ۲۰۱۵ د مئی ۲۰ مې نیټې څخه راپدیخوا تاسو د اقامې کارت پرته د شینګن سیمې څخه بهر او بېرته دننه سفر نه شئ کولی.
کله چې تاسو د نفوسو د احوالو ثبتولو سجل کې ثبت شئ
د هویت کارت (د هویت تذکره) لپاره عریضه
که چېرې تاسو د هویت یو معتبر سند (د مثال په توګه پاسپورټ) یا په سویډن کې هستوګنې اقامه لرئ نو کولی شئ چې د مالیې عمومي ادارې یو دفتر چې د هویت کارت صادروي، ته مراجعه وکړئ او د هویت کارت لپاره عریضه وکړئ. د مالیې عمومي ادارې لخوا صادر شوی د هویت کارت په سویډن کې د هویت د اعتبار وړ سند ګڼل کېږي. د هویت کارت په مرسته تاسو خپل عمر ثابتولی شئ او د مثال په توګه په درملتون، بانک یا دوکان کې خپل هویت څرګندولی شئ. د هویت کارت په مرسته تاسو د سوېډني ټولنې لخوا وړاندې کېدونکو مرستو او امتیازاتو څخه ګټه پورته کولی شئ. د هویت کارت توزیع کونکي د مالیې ادارې دفتر ته د مراجعې څخه وړاندې د هویت کارت لپاره د عریضې کولو شرایطو په اړه ولولئ.
Kontakta oss
Aktuellt
-
Att tänka på inför årsskiftet
2023 närmar sig sitt slut. För dig som driver enskild näringsverksamhet innebär ...
-
Många fel när Skatteverket kontrollerat matbudsleveranser
Nio av tio av Skatteverkets utredningar av företag som erbjuder matleveranser ha...
-
Tillsammans kan vi motverka arbetslivskriminalitet
Tillsammans bekämpar vi ekonomisk brottslighet och missbruk av välfärdssystemet....
Tillsammans gör vi samhället möjligt