Amari buti
Skatteverket del tut žutipe ande džeseske buča sar jekh privatno manuš vaj te si tut firma. Si te avel lokho te inkrel pe pala reguli thaj zakonura thaj te žanel pe sar si te avel. Si te ačares tut sekurno ke avla sa mišto tuke thaj ke e kaver si te keren kodo so si te keren.
Sa kasave šajimata thaj sa kodol konditsi
Sa privatnone manušen thaj kodolen khas si firmi si te inkren sa kodol šajimata thaj konditsi kana von len amentsa kontakto thaj atunči sajek si vaj murš vaj džuvli, terno vaj phuro, diferentne identitetura vaj ghindura; etnisiteta, religia vaj kaver pačape; sasto vaj nasvalo vaj kaver seksualno dikhipe.
O them si kerdo kade ke savori khaj keren buči si te počinen skato. Skato si diferentno pala sako komuna thaj si vi variatsia pala sako jekheski počin. Skato si dino pala kodo khaj diferentne bajura sar nasvalengo žutipe, droma thaj khaj e phurengo žutipe.
Skatteverket si jekh themeski organizatsia khaj tordžol korkori
Politikura ando riksdagen, komuni vaj e landsting porunčin save thaj soske bare skatura si te aven ando Švedo. Skatteverket bučazij kade te khidel andre e skatura. Ame sam tela o regeriungo feri vi kade sam jekh themeski organizatsia khaj tordžol korkori. Anda kodo či birij o regeriungo te vazdel unie manušenge skatura vaj unie firmenge skatura ando them.
Kado kerel o Skatteverket
Ame las sama pala e finansia pa o phuterdo sektori thaj das vast te avel jekh maj lašo drom ando them thaj malavas tele o kriminaliteto.
Skatteverketoski šerutni buči si te lel andre skatura, lel sama pala folkbokföring (manušengi registra), äktenskapsregistret (ansurimaski registra) thaj fastighetstaxering (kherengo skato), te kerel registratsia bouppteckningar (te lel sama pala mule manušenge barvalimata thaj konkursuri) thaj te avel och vara borgenär (kreditori) e themeske. Ame keravas vi legitimatsiake kartsi e manušenge so si skirisarde ando them. Ame keras vi investigatsi kana si kriminalne buča kerde kusa skato.
Kate avel jekh skurto informatsia pa e buča so Skatteverket inkrel responsebilita.
Skato pe love
Ando Švedo počinas ame jekh inkomstskatt khaj si skato pe love sar eksemplo pe šonesko počin anda buči, nasvalengi kasa thaj pa pensia. Pe renta thaj diferentne njerišagura kana biknel pe aktsi thaj vi khera ginadžol sa inkomst – sar love so aven andre thaj vi kodol si te počinel pe skato. Inkomstskatten žal anglunes ande komuni thaj landsting feri šaj vi te žal khaj o them.
Jokvar ando berš keras ame deklaratsia pe amare love ande jekh lovengi deklarasia. Kado keres maj lokho digitalno.
Kaver skato pe uni bajura
O them lel avri moms pe maj but anda bajura so bikindžon thaj vi pa buča. Momso si andre ginado kana ame sar privatne manuš počinas. Maj butivar si o momso 25 procenti. Pe uni bajuri sar benzini, energia, alkoholo thaj tobako lel o them avri vi jekh kaver skato khaj bušol punktskatt.
Skato pe firmengo njerišago
Kodo kon inkrel jekh firma ande diferentne formi sar enskild näringsverksamhet vaj handelsbolag počinel skato pe frimako njeripe. Kodo kon si gazda pe firma sikavel kado ande peski deklaratsia. Feri e firmaki forma aktiebolag počinel mindik 20,6 procenti pe firmako njerišago.
Firmako počinipe anda peske bučara
Firmenge gazdi počinen socialne počinimata anda peske bučara. Kodo žnacil anda sa e bučake počinimata anda e bučara thaj kado andre počinipe kerel pe normalno jokvar ando šon.
Manušengi registra
Ando folkbokföringen si informatsia pa sa Šveditska citizentura, khas si permamentno pača ando them vaj kon si EU-citizento thaj inkrel peski pača ando them. Grundosko regulo si kodo ke si te aves andre skirisardo (folkbokförd) kote khaj trajis. O folkbokföring sikavel sar eksemplo khaj si te počines o skato, čiro čačipe te alosares ande e polticne alosarimata thaj o čačipe khaj kaver ekonomicne žutimata.
Kana san andre skirisardo ando skato (folkbokförd) atunči si tut čire numera (personnummer) khaj si čire arakhaijmaske džes kusa štar kaver sifri. Kadal personalne numera trobun tut kana les kontakto kusa e bolnitsi thaj kaver themeske raj, kana si te khides tut po kaver adresi, paruves anav vaj kana si te ansuris tut.
Bouppteckningar
Skatteverket kerel registra pe bouppteckning. Jekh bouppteckning si jekh ginajipe khaj sikavel save njerišagura thaj save počinimaske kamimata (skuld) si jekhe mule manušes.
Ansurimaski registra
Šaj te boldes tut khaj o Skatteverket kana si te keres registratsia angla ansuripe (äktenskapsförord), presentura maškar rom thaj romni, kana del pe opre bodelning (kana šinavel pe a parako barvalipe maškar lende thaj informatsia pa kado - bodelningshandlingar.
Id-kort / Legitimatsia
Savori khaj si skirisarde ando Švedo thaj perdžile 13 berš birin te roden jekh legitimatsia ando Skatteverket. Kado si jekh pindžardo legitimatsia ando them thaj paša kado les atunči vi jekh e-legitimatsia. Kusa e e-legitimatsia biris te sikaves sekurne kon tu san po internet thaj te na daras.
Investigatsia pa skatosko hohajipe
Skatteverket kerel investigatsi, malavel tele thaj zumavel te kerel te na avel ekonomicno kriminaliteto ande skatoske buča.
Kreditoski buči
Skatteverkets inkrel responsebilita te počinen andre e privatne manuš thaj e firmi kodol skatura thaj kaver počinimata so e politikura porundčinde thaj phende ke si te aven počinde. Kodo bušol ke ame lišisaras e themeske počinimata thaj počinimaske kamimata. Te si aktualno rodas ame kodo te peren kodl manuš vaj firmi ando konkurso te na birin te počinen te počindžol e themeske.
Len amentsa kontakto
Vorbin 0771–567 567 te kames atveto pe jekh pušipe vaj te kames te vorbis pa jekh buči so si vorta aktualno.