Deklareeredh jïh skaehtiem maeksedh
Daesnie datne bïevnesh gaavnh ovmessie gïeline deklareeremen bïjre.
Daesnie maahtah dam vihkielommes lohkedh guktie deklareeredh jïh skaehtiem maeksedh. Seamma tjaalege gååvnese dovne sveerjen gïelesne jïh jeatjah gïeline. Datne tjaalegem sveerjengïelesne gaavnh jis jåartebåaloem diedtesth sæjroen åejvierubrihken bijjelen.
Daesnie maahtah dam vihkielommes lohkedh guktie deklareeredh jïh skaehtiem maeksedh. Seamma tjaalege gååvnese dovne sveerjen gïelesne jïh jeatjah gïeline. Datne tjaalegem sveerjengïelesne gaavnh jis jåartebåaloem diedtesth sæjroen åejvierubrihken bijjelen.
Gosse datne dïenesjeminie sjïere daltesen bijjelen edtjh skaehtiem maeksedh. Dïhte mij datnem beelhkie edtja skaehtiem Skatteverketasse maeksedh. Skaehtie edtja joe tramhkelamme gosse dïenesjimmiem åadtjoeh. Dov reakta baalhkaspesifikasjovnem jallh seammaleejns åadtjodh fïerhten aejkien gosse dïenesjimmiem åadtjoeh. Spesifikasjovne vuesehte man jïjnje skaehtie maeksije lea tramhkelamme.
Juktie skaehtie edtja eevre reaktoe sjïdtedh datne tjoerh dïenesjimmiedeklarasjovnem Skatteverketasse buektedh akten aejkien jaepesne. Dïhte gohtjesåvva datne deklareerh. Deklarasjovne dïenesjimmien våaroemisnie mij åadtjoejih jaepien åvtelen datne deklareerh.
Gosse datne deklareereme Skatteverket ryöknoe jis dov skaehtie reaktoe. Minngemes goeven jaepien datne deklareerh åadtjoeh prieviem Skatteverketistie, akte “galhkuveskaehtiedïjre”. Desnie tjåådtje jis daarpesjh vielie skaehtiem maeksedh (beetsuveskaehtie) jallh jis skaehtiem bååstide åadtjoeh (skaehtiejoekedimmie).
Gie edtja deklareeredh?
Datne edtjh eejnegen deklareeredh jis deklarasjovnem åådtjeme dutnjien seedteme. Deklarasjovne påastine båata vuj dov digitaale prievielådese, jis dov dagkere (Billo, Kivra vuj Min myndighetspost).
Såemies aejkien edtjh aaj deklareeredh jïlhts ih leah deklarasjovnem åådtjeme
Jis ih leah deklarasjovnem åådtjeme edtjh læjhkan deklareeredh jis maahtah aktem dejtie jiehtiegidie jååhkesjidh:
- Datne Sveerjesne årroejih abpe jaepiem 2025 jïh jienebh enn 24 872 kråvnah dïenesjih juktie vuesiehtimmien gaavhtan baalhkam åadtjoejih, jïjtje sïeltem utniejih jallh eejhtegebeetnegh åadtjoejih.
- Datne Sveerjesne årroejih bielie jaepeste 2025 jïh jienebh enn 100 kråvnah dïenesjih Sveerjesne juktie vuesiehtimmien gaavhtan baalhkam åadtjoejih, jïjtje sïeltem utniejih jallh eejhtegebeetnegh åadtjoejih.
- Dov kapitaaledïenesjimmie Sveerjesne 200 kråvnah jallh jienebh jaepiem 2025. Kapitaaledïenesjimmie lea vuesiehtimmien gaavhtan spååremerente jallh doekemevïtneme jis aktijerh jallh jeatjah vierhtiepaehperh doekih. Maehtieh aaj årrodh jis doekemevïtneme jis gåetiem doekih jallh mubpide leejjih.
- Dov dïenesjimmie vaeniealmetjesïelteste jaepiem 2025. Dïhte vuesiehtimmien gaavhtan joekedimmie, aevhkieh jallh jeatjah dåarjoeh. Vaeniealmetjesïelte lea aktijesïelte gusnie jeenjemesh njieljie almetjh ektesne jienebh enn bieliem aktijste eekieh.
- Datne fastighetem eekih, jallh bieliem fastigheteste, tsïengelen 1.b. 2025. Fastighet lea vuesiehtimmien gaavhtan gåetie, eejehtsgåetie jallh tomt.
- Datne lea prieviem Skatteverketeste (akte “bæjhkoehtimmie” datne tjoerh deklarasjovnem vedtedh. Bæjhkoehtimmiem påastine åadtjoeh jallh dov digitaale påastesæjjan.
Datne maahtah daarpesjidh deklareeredh jïlhts datne lea dïenesjimmieh åådtjeme mubpie laanteste enn Sveerje. Sæjrosne Dïenesjimmieh ålkoelaanteste deklareeredh gusnie sjïere bïevnesh dan bïjre gaavnedh.
Datne gie ålkoelaantesne abpe jaepiem orreme maahtah naan aejkien daarpesjidh Sveerjesne deklareeredh.
Mah edtjieh deklarasjovnesne meatan årrodh?
Daate vuesiehtimmie mah dïenesjimmieh gelkieh deklarasjovnesne årrodh:
- baalhkah jïh jeatjah dåarjoeh datne åadtjoeh juktie barkh
- pensjovne
- ejhtegebeetnegh jïh veajkoej eejhtegebeetnegh
- spååremerentah vuesiehtimmien gaavhtan baanghkesne.
Daate vuesiehtimmieh dïenesjimmieh mah eah edtjh meatan deklarasjovnesne:
- tseegkemedåarjoe, tseegkemelissie jïh årromesijjiedåarjoe
- hoksemedåarjoe
- maanadåarjoe, årromedåarjoe jïh årromelissie
- studijevierhtieh CSN:ste
Gåessie edtjh deklareeredh?
Datne daarpesjh dov dïenesjimmiedeklarasjovnem Skatteverketasse minngemes suehpeden 4.b.
Jis minngemes njoektjen 31.b. deklareerh maahtah dov eventuelle skaehtiem bååstide åadtjodh joe voerhtjen aalkovisnie. Men dellie daarpesjh deklareeredh e-dïenesjisnie, sms:ine, jallh ringkedh. Ih åadtjoeh naan jarkelimmieh darjodh. Vuesiehtimmie lissiem seedtedh lea jarkelimmie.
Jis njoektjen 31.b. mænngan deklareerh dellie beetnegh seentebe jaepesne åadtjoeh.
Jis jienebe tïjjem daarpesjh deklareeredh
Jis jienebe tïjjem daarpesjh deklareeredh maahtah dam ohtsedh. Dellie maahtah deklareeredh minngemes ruffien 1.b. Mijjieh daarpesjibie dov ohtsemem åadtjodh suehpeden 4.b. åvteli.
Datne maahtah ohtsedh dej vuekine:
- Loggh sïjse skatteverket.se, jïh gïehtjh jis dov lea e-legitimasjovne
- Ringkh Skatteupplysningen 0771-567 567 (jeatjah laanteste +46 8 564 851 60)
- Dïenesjekontovresne mïnnedh
Guktie deklarasjovnem deavhtah?
Dïhte mij dov dïenesjimmiem maaksa daamhtaj Skatteverketese bïeljelamme mah datne leah jaepien mietie dïenesjamme. Dan gaavhtan Skatteverket joe dam deavhteme deklarasjovnese maam dutnjien seedtebe. Man jïjnje deklarasjovnesne vuajnah.
Jis gaajhke reaktoe
Jis gaajhkh reaktoe deklarasjovnesne, dellie daarpesjh ajve nualan tjaalah jïh deklarasjovnem seedth. Lohkh vielie Guktie deklarasjovnem seedth.
Jis maam akt daarpesjh jeatjahtehtedh vuj lissiehtidh
Såemies aejkien datne daarpesjh maam akt deklarasjovnesne jarkelidh vuj lissiehtidh. Dïhte vuesiehtimmien gaavhtan dov barkoevedtije båastoeh bïevnesh Skatteverketese vadteme jallh datne lea årromesijjiem jallh vierhtiepaehperh doekeme.
Jis datne edtjh maam akt jarkelidh jallh lissiehtidh dellie daarpesjh e-dïenesjisnie deklareeredh Inkomstdeklaration 1 jallh paehperedeklarasjovnesne. Guktie deklarasjovnem jarkelidh e-dïenesjisnie dellie daarpesjh sveerjen e-legitimasjovnem. Mohte jis feelemi maadthgiehpiedimmiem barkose barkoste darjodh mah maahtah kodigujmie darjodh e-dïenesjisnie. Lohkh vielie Guktie deklarasjovnem seedth.
Datne reaktoe maadthgiehpiedimmiem åådtjeme?
Gosse datne Sveerjesne årroeh jïh barkh dellie daamhtaj reaktam åtnah maadthgiehpiedæmman. Maadthgiehpiedimmie lea giehpiedimmie maam Skatteverket dorje dov dïenesjimmijste, baalhka, arvode jallh seammaleejns åvteli dov skaehtiem ryöknebe. Dan gaavhtan giehpiedimmeste daamhtaj skaehtiem unnede. Jis dov lea oktegh sïelte maadthgiehpiedimmiem aaj dïenesjimmide dehtie darjoemistie ryöknedh.
Dehtie jaepeste gosse 67 jaepieh illh maadthgiehpiedimmie jollebe.
Naemhtie maadthgiehpiedimmien njoelkedassh:
- Jis datne Sveerjesne orreme jïh dïenesjih abpe jaepiem dov lea reakta maadthgiehpiedimmiem abpe jaepien åvteste.
- Jis datne ålkoelaantesne orreme bielie jaepeste mohte unnemes 90 prosenth dov dïenesjimmijste deklareereme jaepien raejeste Sveerjesne, dov lea reakta maadthgiehpiedimmiem abpe jaepien åvteste.
- Jis datne Sveerjesne orreme jïh bielie jaepeste dïenesjih dov lea reakta maadthgiehpiedimmiem dej aski åvteste datne daesnie orreme.
Skatteverket lea daamhtaj maadthgiehpiedimmiem dorjeme dov deklarasjovnesne gåessie datne dam åadtjoeh. Jis ibie dam dorjeme, jallh datne vïenhth maadthgiehpiedimmie fer onne, daarpesjh jïjtje tjaeledh nuelesne Jeatjah bïevnesh man gellie askh minngemes jaepien mietie datne leah Sveerjesne barkeme jïh datne sïjhth maadthgiehpiedimmiem dej åvteste.
Datne åasah åtneme mah maahtah giehpiedimmiej åvteste åadtjodh?
Jis datne leah åasah åtneme guktie maahtah barkedh maahtah såemies aejkien dej åvteste giehpiedidh dov deklarasjovnesne. Giehpiedimmeste skaehtie unnede. Datne maahtah vuesiehtimmien gaavhtan giehpiedimmieh dej åvteste darjodh
- datne daarpesjh guhkies barkosne mïnnedh
- datne jeatjah sijjesne årroeh enn dov fuelhkie barkoen gaavhtan
Dov lea aktegs sïelte?
Jis dov lea aktegs sïelte edtjh aaj dievhtedh maam gohtje jielemelissie (NE-lissie). Dam seedth deklarasjovnine. Jielemelæssan bïevnesh deavhtah dov sïelten bïjre. Jielemelissien nomme SKV 2161 jïh datne maahtah dam skatteverket.se veedtjedh jallh dam dængkodh Skatteupplysningen luvhtie, dan nummere 0771 567 567.
Bïhkedimmie gååvnese guktie deklarasjovnem dievhtedh. Bïhkedimmie sveerjen jïh englaanten gïeline.
Guktie deklarasjovnem seedth?
Datne maahtah deklarasjovnem seedtedh aktem dejstie vuekijste:
- sms:m seedtedh
- ringkedh
- e-dïenesjen tjïrrh Inkomstdeklarasjon 1
- paehperedeklarasjovnem seedtedh.
Tekste sms-dïenesjisnie, e-dïenesjisnie jïh deklarasjovnesne lea sveerjengïele. Jis deklareerh jïh ringkh maahtah bïevnesh åadtjodh sveerjen jallh englaantengïeline.
Dïenesjimmiedeklarasjovnen kodh
Daamhtaj kodh gååvnesieh deklarasjovnesne maam datne åådtjeme. Maahtah kodide nuhtjedh gosse deklareeredh.
Jis ih leah naan kodh åådtjeme dellie dan gaavhtan datne daarpesjh maam akt jarkelidh deklarasjovnesne.
Jis datne dejtie kodide dasseme ovgaath ih maehtieh orre åadtjodh. Aaj jis eah dah kodh juhtieh juktie maam akt dov deklarasjovnesne jarkeli dan mænngan Skatteverket dam dievhtieji.
Jis dov ij naan kodh maahtah e-dïenesjiesnie deklareeredh, jis dov e-legitimasjovne. Jallh maahtah paehperedeklarasjovnem deklareeredh.
Sms:ine
Maahtah sms:ine deklareeredh jis:
- Datne deklarasjovnem åådtjeme kodigujmie.
- Datne edtjh ajve deklarasjovnem dåhkasjehtedh.
- Dov lea sveerjen mobijleabonnemente.
Naemhtie sms:ine deklareerh:
- Vuartesjh dov deklarasjovnem jïh vaaksjoeh gaajhkh bïevnesh reaktoe.
- Gaavnh dov persovneles kodh. Dah leah deklarasjovnen spesifikasjovnesne.
- Ohtsh vuelietjaalegen kodem. Sms:h dov persovnenummerem jallh seammaleejnes jïh vuelietjaalegen kodem 71144:se. Ij naan laantekode 71144 åvtelen, jïlhts datne jeatjah laantesne enn Sveerje. Aellieh åajaldehtieh gaskesem persovnenummeren jïh vuelietjaalegen koden gaskem. Vuesiehtimmie: JJAABBNNNN 99999999.
- Vuertieh goske sms:m bååstide åadtjoeh. Sms jååhkesje datne lea deklareereme. Medtie 10 sekundh vaesieh åvtele dam åadtjoeh.
- Spåårh sms-jååhkesjimmiem.
Jis ih vuelietjaalegen kod juhtieh dellie dan gaavhtan maam akt dov deklarasjovnesne lea jarkelamme dan mænngan dam dutnjien seedteme. Dellie daarpesjh e-legitimasjovnine deklareeredh e-dïenesjisnie Inkomstdeklaration 1 jallh paehperedeklarasjovnesne.
Ringkedh
Datne maahtah deklareeredh gosse ringkh jis datne leah åådtjeme deklarasjovnem kodigujmie jïh ajve edtjh deklarasjovnem dåhkasjehtedh.
Naemhtie deklareeredh gosse ringkedh:
- Vuartesjh dov deklarasjovnem jïh vaaksjoeh jis bïevnesh reaktoe.
- Gaavnh dov persovneles kodh. Dah leah deklarasjovnen spesifikasjovnesne.
- Ringkh 020-567 100 (+46 8 764 92 40 jis jeatjah laanteste ringkh enn Sveerjeste). Darjoeh guktie bïhkede. Datne maahtah bïhkedimmieh åadtjodh sveerjen jallh englaanten gïeline. Vuertieh goske goltelh dïjrem telefonesne. Dïjre jååhkesje dov deklarasjovne lea båateme. Dïjrem spååroe, datne maahtah viht ringkedh jïh dam ikth vielie goltelidh jis sïjhth.
E-dïenesjen mietie
Jis dov lea sveerjen e-legitimasjovne maahtah gaajhkem deklarasjovnine e-dïenesjisnie darjodh, Inkomstdeklaration 1.
Jis ij dov sveerjen e-legitimasjovne, mohte deklarasjovnem åådtjeme kodigujmie, maahtah dïenesjasse loggedh sïjse kodigujmie mah datne gaavnh deklarasjovnen spesifikasjovnesne. Desnie maahtah deklarasjovnem dåhkasjehtedh jïh feelemegiehpiedimmieh darjodh, mohte ij naan jeatjah jarkelimmieh.
Naemhtie e-dïenesjisnie deklareerh:
- Loggh sïjse e-legitimasjovnine jallh identifijeereme kodine maam datne gaavnh deklarasjovnen spesifikasjovnesne. Datne tjoerh aaj dov persovnenummerem tjaeledh jallh seammaleejnes. E-dïenesje sveerjengïelesne
2. Vaaksjoeh bïevnesh deklarasjovnesne jïh darjoeh dah jarkelimmieh mah daerpies. Jis datne lea kodigujmie sïjse loggeme maahtah jarkelimmieh darjodh barkoemïnnemi åvteste, mohte ij naan jeatjah jarkelimmieh.
3. Deklarasjovnem dåhkasjehtieh dov e-legitimasjovnine jallh vuelietjaalegen kodine maam datne gaavnh deklarasjovne spesifikasjovnesne. Datne ryöktesth vihtiestimmiem åadtjodh mij vuesehte dov deklarasjovne Skatteverketen gåajkoe båateme.
Paehperedeklarasjovnesne
Jis datne edtjh deklareeredh daamhtaj datne leah deavhteme deklarasjovnem åådtjeme paehpierisnie jallh digitaale påastelådese, jis dov lea dagkere. Jis ih leah naan deklarasjovnem åådtjeme, mohte daajrah datne edtjh deklareeredh, maahtah Skatteverketasse ringkedh jïh dïenesjekontovresne mïnnedh jïh paehperedeklarasjovnem åadtjodh.
Naemhtie paehperedeklarasjovnine deklareerh:
- Vaaksjoeh dah bïevnesh deklarasjovnesne.
- Jis datne maam akt daarpesjh jarkelidh: darjoeh daam jïh tjaelieh dam orre elliesmaaksoem veelkes ruvtese dennie sïevese maam sïjhth jarkelidh.
- Tjaelieh dov nommem.
- Bïejh frimïerhkem skuahpese jïh seedth deklarasjovnem daase:
Skatteverket
Inläsningscentralen
Inkomstdeklaration 1
FE 8000
107 75 Stockholm
Jis naan jeatjah edtja dov åvteste deklareeredh
Datne maahtah baajedh naan jeatjah dov åvteste deklareeredh jis daajrah ih maehtieh dam jïjtje darjodh. Dellie tjoerh ohtsedidh Skatteverketisnie dïhte almetje edtja dov deklarasjovnedïjriji sjïdtedh.
Ohtsh minngemes asken åvtelen datne edtjh deklareeredh. Datne maahtah ohtsedidh Skatteverketen e-dïenesjisnie Ombud och behörighetere jallh goerine. Goere gååvnese englaanten gïelesne jïh sveerjen gïelesne. E-dïenesje ajve sveerjen gïelesne.
Gosse Skatteverket dov deklarasjovnedïjrijim dåhkasjahteme dellie dïhte Skatteverketen registerisnie naemhtie tjåådtje goske datne bïevnh dïhte ij edtjh dov dïjrejim vielie årrodh.
Skaehtiem bååstide åadtjodh – skaehtiejoekedimmie
Boelhke mænngan datne leah deklareereme datne dov galhkuveskaehtiedïjrem åadtjoeh. Desnie tjåådtje jis datne edtjh skaehtiem bååstide åadtjodh, skaehtiejoekedimmie. Skaehtiejoekedimmie lea vuesiehtimmien gaavhtan dov dïenesjimmievedtije lea fer jïjnje skaehtiem geaseme.
Galhkuveskaehtiedïjresne aaj man jïjnje datne edtjh bååstide åadtjodh.
Guktie jïh gåessie åadtjoeh dov skaehtiejoekedimmiem?
Guktie dov skaehtiejoekedimmiem åadtjodh dellie daarpesjh dov baanghkekontonummerem Skatteverketasse bïevnedh. Jis ij dov naan baanghkekonto maahtah Skatteverketem ringkedh 0771 567 567 jallh dïenesjekontovresne mïnnedh.
Jis datne dov kontonummerem bïevnh minngemes gosse dov dïenesjedeklarasjovnem vadtah dellie åadtjoeh beetnegh kontose. Jis datne bïevnh dov kontonummeren seentebe dellie tjoerh jïjtje jiehtedh datne sïjhth beetnegh kontose. Dellie maahtah Skatteupplysningem ringkedh 0771 567 567 jallh dïenesjekontovresne mïnnedh.
Bïevnh kontonummerem sveerjen baanghkesne
Jis dov lea sveerjen e-legitimasjovne maahtah Skatteverketem bïevnedh dov kontonummerem gosse e-dïenesjisnie deklareerh Inkomstdeklaration 1. Datne maahtah aaj kontoem bïevnedh e-dïenesjisnie Skattekonto.
Jis ij dov sveerjen e-legitimasjovne maahtah Skatteverketem bïevnedh dov kontonummerem. Maahtah naemhtie darjodh:
jallh
Beavnah kontonummerem ålkoelaanten baanghkesne
Jis ih naan sveerjen kontonummerem utnieh maahtah dov skaehtie ... ålkoelaanten baanghkekontose åadtjodh.
Naemhtie Skatteverketem beavnah ålkoelaanten kontonummerem:
- Tjaelieh prieviem jis sïjhth ålkoelaanten baanghkekontoem bïevnedh Skatteverketese. Prievien bïevnesh:
- Dov nomme, dov sveerjen persovnenummere jallh iktedimmienummere gusnie Skatteverket maahta datnem gaavnedh.
- Dan ålkoelaanten baanghkekontoen IBAN jïh BIC
- Dov vuelietjaalege jïh dov nommem tjïelkelaakan tjaaleme
- Originaale vihtiestimmiem öörnh dehtie ålkoelaanten baanghkeste. Ij vihtiestimmie åadtjoeh båarasåbpoe 6 askh jïh dan bïevnesh:
- Daatoe gåessie vihtiestimmiem tjeeli
- Dov nomme jïh dov sveerjen persovnenummere jallh iktedimmienummere
- Dov adresse jïh dov telefonnummere
- Dov baanghkekontoen IBAN jïh BIC
- Baanghken barkijen vuelietjaalege jïh dan nommem tjïelkelaakan tjaaleme.
- Seedth prieviem dov bïevnesinie jïh vihtiestimmine:
Skatteverket
205 30 Malmö
Skatteverket kontonummerem nuhtjie goske datne mijjese maam akt jeatjah bïevnh.
Jienebe skaehtiem maeksedh – beetsuveskaehtie
Boelhken mænngan datne leah deklareereme datne dov galhkuveskaehtiedïjrem åadtjoeh. Desnie tjåådtje jis datne edtjh jienebe skaehtiem maeksedh, beetsuveskaehtie. Beetsuveskaehtie lea vuesiehtimmien gaavhtan jis dov dïenesjimmievedtije lea fer vaenie skaehtiem maakseme Skatteverketasse.
Galhkuveskaehtiedïjresne aaj tjåådtje man jïjnje edtjh maeksedh jïh gåessie Skatteverket tjuara beetnegidie åådtjeme.
Gåessie edtjh maeksedh
Datne edtjh maeksedh 90 biejjiej raejesne destie galhkuveskaehtiedïjrem åådtjeme. Daatoe gåessie beetnegh edtja Skatteverketen kontose galhkuveskaehtiedïjresne tjaaleme, mohte datne maahtah beetsuveskaehtiem maeksedh joe gosse datne leah dov deklarasjovnem åådtjeme.
Renta
Guktie edtjh maeksedh?
Datne maaksah baanghkegirojne baanghkekontonummere 5050-1055. Maahtah aaj Swishine maeksedh mohte dellie tjoerh loggedh sïjse skatteverket.se sveerjen e-legitimasjovnine jïh bïhkedimmide dåeriedidh. Bïhkedimmieh ajve sveerjengïelesne.
Datne tjoerh maeksedh sveerjen kråvnine. Aellieh åajaldehtieh beajjetjen valutakuvsjem goerehtidh.
Baanghkegiroem internehtebaanghkine maeksedh
Datne maahtah baanghkegirojne maeksedh dov gaskeviermiebaanghkesne. Dellie maaksoem deavhtah jïh dov OCR-nummerem (referansenummere). OCR-nummere galhkuveskaehtiedïjresne jïh dov dïenesjimmiedeklarasjovnesne.
Datne maahtah aaj gaavnedh dov OCR-nummerem Skatteverketen dïenesjisnie, mij ajve sveerjengïelesne. Tjaelieh dov persovnenummerem jallh seammaleejns ruvtese Person- jallh organisationsnummer. Dïedtesh dellie ruvtese Beräkna.
Baanghkegiroem maeksemekåarhtine maeksedh
Jis datne baanghkegirojne maaksah joe deavhteme sïjsemaaksemekåarhtine dellie tjoerh ajve maaksoem dievhtedh. Datne maahtah deavhteme sïjsemaaksemekåarhth dængkodh jis Skatteupplysningen ringkedh jallh dïenesjekontovresne mïnnedh.
Ussjedh naan biejjieh vaesieh åvteli beetnegh Skatteverketen gåajkoe båetieh.
Ålkoelaanten baanghkeste maeksedh
Ålkoelaanten baanghkeste lea seammalaakan goh sveerjen baanghkeste maeksedh. Dellie tjoerh dejtie bïevnesidie dievhtedh:
- IBAN-nummere: SE56 8000 0890 1196 4624 0516
- BIC-/Swiftkod: SWEDSESS
- Bank: Swedbank AB, SE-105 34 Stockholm
- Maaksoedåastoje: Skatteverket, SE-831 87 Östersund
- Dov personnummere jallh OCR-nummere
Jis datne daarpesjh vielie bïevnesh deklarasjovnen bïjre
Jeatjah sæjrojne skatteverket.se:sne gååvnesieh vielie bievnesh dïenesjimmiedeklarasjovnen bïjre. Dïhte ajve sveerjen jïh englaanten gïeline.
Jis daarpesjh eensi bïevnesh jïh ih dam sveerjen vuj englaanten tekstem guarkah, maahtah servicekontovresne mïnnedh vuj Skatteupplysningen 0771-567 567 ringkedh.