ወረቐት መንነት ክትሓትት ከሎኻ ዚህሉ ቅቡል መስካሪ (intygsgivare)

ቅቡል መስካሪ ከምዚ ዚስዕብ ቅድመኩነት የማልእ፤

• 18 ዓመት ዝመልአ
• ሓንቲ ካብተን ናይ ስካተቭርከት (ቤትጽሕፈት ቀረጽ) ኣብያተጽሕፈት ኣገልግሎት ክትበጽሕ ከሎኻ ምሳኻ ዚህሉ
• ጽቡቕ ገይሩ ዚፈልጠካን ምሳኻ ዘለዎ ዝምድና ኪገልጽ ዚኽእልን
• ብቕቡልን ዘገልግልን ሰነድ መንነት ከለልየካ ዚኽእል
• ፎቶኻን ውልቃዊ ሓበሬታኻን ምስቲ ኣብ መጠየቕታኻ ዘሎ ሓበሬታ ልክዕ ምዃኑ ብጽሑፍ ኪምስክር ዚኽእል። ቅድም ነቲ ናይ መጠየቕታ ፎርም ምልኣዮ፡ እቲ መስካሪ ግን ነቲ መጠየቕታን ነቲ ፎርምን ኣብቲ ቤትጽሕፈት ኣገልግሎት ከሎ ኪፍርመሉ ይግባእ።

ገለ ካብዞም ዚስዕቡ ሰባት፡ መስከርቲ (intygsgivare) ኪኾኑ ይኽእሉ

• በዓልቲቤትካ፡ በዓልቤትካ፡ መናብርቲ፡ ብጻይ
• 18 ዓመት ዝመልአ ውላድካ ወይ ናይ ውላድ ውላድካ
• ወለዲ/መዕበይቲ din
• 18 ዓመት ዝመልአ ሓውኻ ወይ ብኣደ ወይ ብኣቦ ሓው ወይ ሓውቲ ዝኾነ
• ኣደኻ ወይ ኣቦሓጎታትካ/እኖሓጎታትካ
• መናብርትኻ/ሳምቦ

ንስኻን ቅቡል ምስክርካን ከም መናብርቲ/ ሳምቦ ንኽትቁጸሩ እዚ ዚስዕብ ኪማላእ ይግባእ፤

• ቀጻሊ ብሓደ ትነብሩ ወይ ሓባራዊ ውላድ ዘሎኩም። ቅድሚ ኹሉ ግን ብውሑዱ 6 ኣዋርሕ ብሓደ እተቐመጥኩም ክትኮኑ ይግባእ።
• ሓድሕዳዊ ዝምድና/ርክብ ዘሎኩም
• ሓደ ቤት ዘሎኩም፡ ማለት ስራሕ ገዛን ናብራን ብሓደ ትካፈሉ ዝኾንኩም

ሓደ ካብዞም ዚስዕቡ፡ ምስክር (intygsgivare) ኪኸውን ይኽእል። ምሳኻ ዝምድና ዘለዎን ኣጸቢቑ ዝፈልጠካን ኪኸውን ይግባእ። ንሱ፡ ምሳኻ እንታይ ዝምድና ከም ዘለዎ ዚገልጽ ውሳነ ወይ ምስክር ኪማላእ ይግባእ። ከም ንኣብነት፤

• ሕጋዊ ኣላዪ (ጉድማን) ወይ ጉዳይካ ዘመሓድር
• ወላዲ ገዛ ስድራቤት (familjehemsförälder)
• ምስኡ ሞያዊ ዝምድና ዘሎካ ናይ ኮሙን ወይ ናይ መንግስታዊ ትካል ሰራሕተኛ ፡ ከም ንኣብነት ማሕበራዊ ስራሕተኛ፡ ሓላፊ ክፍሊ ወይ ድማ ኣብ መንግስታዊ ኮለጅ ኣህጉራዊ ተቖጻጻሪ
• ብውሑድ ሓደ ዓመት ወሃብ ስራሕካ ዝኾነ