ቅድሚ መርዓ – መጽናዕቲ ፍቓድ ቃል-ኪዳን (Hindersprövning)

ብመሰረት ሕጊ ሽወደን፡ ንመርዓ ዚዓግቱ እዞም ዚስዕቡ ክልከላታት እዮም፡-

• ዕድመ – ሓደ ካባኻትኩም ትሕቲ 18 ዓመት ምስ ዚኸውን ክትምርዓዉ ኣይፍቀደልኩምን’ዩ።
• ዝምድና – ቀረባ ኣዝማድ ምስ ትኾኑ ንሓድሕድኩም ክትመርዓዉ ኣይትኽእሉን ኢኹም።
• ሓደ ካባኻትኩም ድሮ ተመርዕዩ ኣብ ሓዳር ምስ ዚህሉ ወይ ምዝጉብ ሓዳር ምስ ዚህልዎ፥ ንኽትማርዓዉ ኣይፍቀደልኩምን እዩ።

ኣብ ገለ ኵነታት እቲ ንምምርዓው ዘሎኩም መሰል፥ ብመሰረት ሕጊ ወጻኢ ሃገር ኪፍቀድ ይኽእል’ዩ።

እቲ መጽናዕቲ ምስ ምስ ተወድአ፡ መጽናዕቲ ፍቓድ-ቃልኪዳን ከም ዝተገብረን፥ ናይ መርዓ ፍቓድ ምስክርነትን ካብ “ቤትስልጣን-ግብሪ” (Skatteverket) ይወሃበኩም። እቲ ምስክር-ወረቓቕቲ ናብ ቤትኩም’ዩ ዚልኣኸልኩም፤ ኣገልግሎቱ ድማ ንኣርባዕተ ኣዋርሕ ይኸውን። ነቲ ናይ ምስክር-ወረቓቕቲ ኣገልግሎት ጊዜ ምንዋሕ ኣይክኣልን’ዩ። ኣብ ውሽጢ’ቲ ኣርባዕተ ኣዋርሕ መርዓ ምስ ዘይትፍጽሙ፥ ከም ብሓድሽ ምልክታ መጽናዕቲ ፍቓድ ቃልኪዳን (hindersprövning) ክተቕርቡ የድልየኩም እዩ።

ብድሕሪኡ፡ ቅድሚ’ቲ ናይ መርዓኹም ጊዜ ምእታዉ፥ ኣቐዲምኩም ምስቲ ”ቃልኪዳን-ኣእሳሪ” ተራኺብኩም፥ ንኽልቲኡ ነቲ ምስክር- ወረቓቕቲ ናብኡ ኣረክብዎ። ብዙሓት ኣፈጸምቲ ናይ መርዓታት ትካላት፥ ንኣብነት እቶም ኮሙናት፡ ነቲ መርዓ ዚኸውን መደብ ንምውጻእ መታን ኪኽእሉ፡ እቲ ምስክር-ወረቓቕቲ ኣቐዲሞም ኪረኽብዎ የድሊ እዩ። እቲ መርዓ ምስ ተፈጸመ፡ እቲ “ቃልኪዳን-ኣእሳሪ”። ነቲ ፎርም መሊኡ ናብ “ቤትስልጣን-ግብሪ” (Skatteverket) ኪልእኮ እዩ።

ምልክታ ንመጽናዕቲ ፍቓድ-ቃልኪዳን ብኸምዚ ይግበር

ምልክታ ንናይ መጽናዕቲ ፍቓድ ቃልኪዳን፥ ነቲ ናይ ”ቤትስልጣን ግብሪ”፡ ኦርኒክ (Skatteverkets blankett) SKV 7880 መሊእካ ናብ ”ቤትስልጣን-ግብሪ” ብምልኣኽ ወይ መጺእካ ብምርካብ ኢኻ ትገብሮ። ከከምቲ ኵነታትኩም ውን፡ ክትምርዓዉ ፍቓድ ከም ዘሎኩም ዘመሳኽር ሰነዳት ክተቕርቡ ከድልየኩም ይኽእል’ዩ።

እቲ ንስኻትኩም ዘሎኹሞ ኵነታት ብዘየገድስ፡ እዞም ዚስዕቡ ሕጊታት የገልግሉ እዮም፡-

እቲ ንስኻትኩም ዘሎኹሞ ኵነታት ብዘየገድስ፡ እዞም ዚስዕቡ ሕጊታት የገልግሉ እዮም፡-

• እቲ ንስኻትኩም ዘሎኹሞ ኵነታት ብዘየገድስ፡ እዞም ዚስዕቡ ሕጊታት የገልግሉ እዮም፡-
  

ክልቴኹም ኣብ ሃገር ሽወደን ምዝጉባት ምስ እትኾኑ፥ ናይ ቃልኪዳን መጽናዕቲ ፍቓድ ምልክታ ንምቕራብ፡ ነቲ ናይ ”ቤትስልጣን-ግብሪ”፡ ኦርኒክ SKV 7880 ብምምላእ ኢኹም ትገብርዎ። ነቲ ኦርኒክ ፈርሙሉ፡ ብድሕሪኡ ነቲ ኦሪጂናል ኦርኒክ፡ ናብ ”ቤትስልጣን-ግብሪ” (Skatteverket) ልኣኽዎ ወይ መጺእኩም ኣረክብዎ።

ቅድም ተመርዒኻ ዝነበርካ ሰብ ምስ ትኸውን፥ ኣብቲ ህዝባዊ-መዝገብ ከም ፍቱሕ (ፍትሕቲ)፡ ወይ ከም ማእምን/መበለት ሰብ ኴንካ ተመዚግብካ ኣሎኻ ኢኻ። ከምኡ ዓይነት ምዝገባ ምስ ዘይህሉ ግን፡ ካብቲ ናይ

ቅድሚ ሕጂ ቃልኪዳንካ ተፋቲሕኻ ምዃንካ ክተርኢ ከድልየካ እዩ። እዚ ድማ ንኣብነት፡ ብናይ ፍትሕ ውሳኔ ሰነድ ወይ ብናይ ሰብኣይካ ወይ ሰበይትኻ ”መረጋገጺ-ሞት” (dödsbevis) ሰነድ ክትገብሮ ትኽእል ኢኻ። ናይ ቅድሚ ሕጂ ምዝጉብ መጻምድቲ-ሓዳር ጸኒሑካ ምስ ዚኸውን ውን፡ እዚ ኣገባብ’ዚ የገልግል’ዩ።

እቲ ኦርኒክ ሓቲምካ ክተውጽኦ ወይ ውን ነቲ ዘሎና ናይ ምእዛዝ ኣገልግሎት ተጠቒምካ ክትእዝዞ ይክኣል’ዩ።

• መጽናዕቲ ፍቓድ ቃልኪዳን፡ ምልክታን መረጋገጺን (SKV 7880)
• ናይ ምእዛዝ ኣገልግሎት

ሓደ ካባና ኣብ ህዛባዊ-መዝገብ ሽወደን ምዝጉብ ኣይኮነን

• ሓደ ካባና ኣብ ህዛባዊ-መዝገብ ሽወደን ምዝጉብ ኣይኮነን

ንስኻ (ኺ) ኣብ ህዝባዊ-መዝገብ ሽወደን ምዝጉብ ዘይኮንካ፥ ብመሰረት ሕጊ ሃገር ሽወደን ቃልኪዳን ንኽትኣስር ዚኽልክለካ ነገር ከምዘየሎ ዘርኢ፥ ካብቶም ናይ ወጻኢ ሃገር ኣብያተስልጣን መረጋገጺ-ወረቐት ክተቕርብ የድልየካ’ዩ። እዚ ዚምልከታካ ሰብ፡ ንስኻ ናይ ሽወደን ቁጽሪ-መንነት ዘሎካ ወይ ንስኻ ናይ ሽወደን ቁጽሪ-መንነት ዘሎካ - ግን ድማ ካብቲ ህዝባዊ-መዝገብ ዝተሰረዘካ ሰብ ኢኻ።

እቶም መረጋገጺ ክተቕርበሎም ዘድልዩ ነገራት፥ ዕድሜኻ ልዕሊ 18 ዓመት ምዃኑ፥ ምስታ ትምርዓዋ (ትምርዓውዮ) ሰብ ኣዝማድ ዘይምዃንኩም ከምኡ ውን ሕጂ ምርዕዋት ዘይምህላውኩም እዩ። ንሱ ድማ በዚ ዚስዕብ ኣገባብ ክትገብሮ ትኽእል፡-

• ዕድሜኻ ልዕሊ 18 ዓመት ምዃኑ ንኣብነት፥ ሓበሬታ ዕለት ልደትካ ብዘሎዎ ፓስፖርት ወይ ካልእ ምስኡ ዝመጣጠን ናይ መንነት ወረቐት ብምቕራብ ክተርኢ ትኽእል ኢኻ።
• ምስታ ክትምርዓዋ ሓሲብካ ዘሎኻ ሰብ ኣዝማድ ዘይምዃንኩም፥ ብሕልናኻን ስለ ክብርኻን ኢልካ ፈሪምካ ብእተቕርቦ ናይ መረጋገጺ ጽሑፍ’ዩ። እቲ እተቕርቦ መረጋገጺ ድማ፡ ኣብቲ ናይ ምልክታ ኦርኒክ ክትረኽቦ ኢኻ።
• ዘይምርዕው ምዃንካ ክተርእየሉ ትኽእል፥ ንኣብነት ካብቲ ትነብረሉ ዘሎኻ ሃገር ካብ ዘሎዉ ኣብያተ-ስልጣን፥ ብዛዕባ ኣብዚ ሕጂ እዋን ኩነታት ሓዳርካ ብዚገልጽ ምስክር-ወረቐት ክትገብሮ ትኽእል ኢኻ። እቲ ተቕርቦ ምስክር-ወረቐት ድማ ኣብዚ ቀረባ ጊዜ ዝተዋህበካ፥ ዕድሚኡ ካብ ኣርባዕተ ኣዋርሕ ዘይሓልፈ ኪኸውን ይግባእ።

ቅድሚ ሕጂ ተመርዒኻ ምስ ትነብር፡ ካብቲ ናይ ሽዑ ቃልኪዳንካ ፍቱሕ ምዃንካ ክተርኢ ከድልየካ’ዩ። እዚ ድማ ንኣብነት ፍትሕ ብዝተፈጸመሉ ውሳኔ ወይ ውን ብናይ ሰብኣይካ ወይ ሰበይትኻ ”መረጋገጺ-ሞት” (dödsbevis) ሰነድ ጌርካ ክተርኢ ትኽእል ኢኻ። ናይ ቅድሚ ሕጂ ምዝጉብ መጻምድቲ-ሓዳር ጸኒሑካ ምስ ዚኸውን ውን፡ እዚ ኣገባብ’ዚ የገልግል’ዩ።

ዝኾነ ካባና ኣብ ህዝባዊ-መዝገብ ሽወደን ምዝጉብ ኣይኮነን - ግን ሓደ ካባና ወይ ክልቴና ዜጋታት ሽወደን ኢና

• ዝኾነ ካባና ኣብ ህዝባዊ-መዝገብ ሽወደን ምዝጉብ ኣይኮነን - ግን ሓደ ካባና ወይ ክልቴና ዜጋታት ሽወደን ኢና
  

ንስኻትኩም ክልቴኹም፡ ብመሰረት ሕጊ ሃገር ሽወደን ቃል ኪዳን ንኽትኣስሩ ዚኽልክለኩም ነገር ከምዘየሎ ዘርኢ ሰነድ፥ ካብቶም ናይ ወጻኢ ሃገር ኣብያተስልጣን መረጋገጺ-ወረቐት ክተቕርቡ የድልየኩም እዩ። እዚ ነገር’ዚ፡ ንዓኻ ኣብ ህዝባዊ-መዝገብ ሽወደን ምዝጉብ ዝነበርካ፥ ናይ ሽወደን ቁጽሪ-መንነት ውን ዘሎካ - ግን ድማ ካብቲ ህዝባዊ-መዝገብ ዝተሰረዘካ ሰብ ውን ይምልከተካ እዩ። ንስኻትኩም ብተወሳኺ ዕድሜኹም ልዕሊ 18 ዓመት ምዃኑ፥ ኣዝማድ ዘይምዃንኩም፡ ክልቴኹም ውን ተመርዒኹም ዘይምህላውኩም ክተርእዩ የድየኩም እዩ። ንሱ ድማ በዚ ዚስዕብ ኣገባብ ክትገብርዎ ትኽእሉ፡-

• ዕድሜኻ ልዕሊ 18 ዓመት ምዃኑ ንኣብነት፥ ሓበሬታ ዕለት ልደትካ ብዘሎዎ ፓስፖርት ወይ ካልእ ምስኡ ዝመጣጠን ናይ መንነት ወረቐት ብምቕራብ ክተርኢ ትኽእል ኢኻ።
• ምስታ ክትምርዓዋ ሓሲብካ ዘሎኻ ሰብ ኣዝማድ ዘይምዃንኩም፥ ብሕልናኻን ስለ ክብርኻን ኢልካ ፈሪምካ ብእተቕርቦ ናይ መረጋገጺ ጽሑፍ’ዩ። እቲ እተቕርቦ መረጋገጺ ድማ፡ ኣብቲ ናይ ምልክታ ኦርኒክ ክትረኽቦ ኢኻ።
• ዘይምርዕዊ ምዃንካ ክተርእየሉ ትኽእል ንኣብነት፥ ካብቲ ትነብረሉ ዘሎኻ ሃገር ካብ ዘሎዉ ኣብያተ-ስልጣን፥ ብዛዕባ ኣብዚ ሕጂ እዋን ኩነታት ሓዳርካ ብዚገልጽ ምስክር-ወረቐት ክትገብሮ ትኽእል ኢኻ። እቲ ተቕርቦ ምስክር ወረቐት ድማ ኣብዚ ቀረባ ጊዜ ዝተዋህበካ፥ ዕድሚኡ ካብ ኣርባዕተ ኣዋርሕ ዘይሓልፈ ኪኸውን ይግባእ።

ቅድሚ ሕጂ ተመርዒኻ ምስ ትነብር፡ ካብቲ ናይ ሽዑ ቃልኪዳንካ ፍቱሕ ምዃንካ ክተርኢ ከድልየካ’ዩ። እዚ ድማ ንኣብነት ፍትሕ ብዝተፈጸመሉ ውሳኔ ወይ ውን ብናይ ሰብኣይካ ወይ ሰበይትኻ ”መረጋገጺ-ሞት” (dödsbevis) ሰነድ ክተርኢ ትኽእል ኢኻ። ናይ ቅድሚ ሕጂ ምዝጉብ መጻምድቲ-ሓዳር ጸኒሑካ ምስ ዚኸውን ውን፡ እዚ ኣገባብ’ዚ የገልግል’ዩ።

ዝኾነ ካባና ዜጋ ሽወደን ኣይኮነን ወይ ተቐማጣይ ሽወደን ኣይኮነን

• ዝኾነ ካባና ዜጋ ሽወደን ኣይኮነን ወይ ተቐማጣይ ሽወደን ኣይኮነን

ንስኻትኩም ክልቴኹም፡ ብመሰረት ሕጊ ሃገር ሽወደን ቃል ኪዳን ንኽትኣስሩ ዚኽልክለኩም ነገር ከምዘየሎ ዘርኢ ሰነድ፥ ካብቶም ናይ ወጻኢ ሃገር ኣብያተስልጣን መረጋገጺ ወረቐት ክተቕርቡ የድልየኩም እዩ። እዚ ነገር’ዚ፡ ንዓኻ ኣብ ህዝባዊ-መዝገብ ሽወደን ምዝጉብ ዝነበርካ፥ ናይ ሽወደን ቁጽሪ-መንነት ውን ዘሎካ - ግን ድማ ካብቲ ህዝባዊ-መዝገብ ዝተሰረዘካ ሰብ ውን ይምልከተካ እዩ። ንስኻትኩም ብተወሳኺ ዕድሜኹም ልዕሊ 18 ዓመት ምዃኑ፥ ኣዝማድ ዘይምዃንኩም፡ ክልቴኹም ውን ተመርዒኹም ዘይምህላውኩም ክተርእዩ የድልየኩም። ንሱ ድማ በዚ ዚስዕብ ኣገባብ ክትገብርዎ ትኽእሉ፡-

• ዕድሜኻ ልዕሊ 18 ዓመት ምዃኑ ንኣብነት፥ ሓበሬታ ዕለት ልደትካ ብዘሎዎ ፓስፖርት ወይ ካልእ ምስኡ ዝመጣጠን ናይ መንነት ወረቐት ብምቕራብ ክተርኢ ትኽእል ኢኻ።
• ምስታ ክትምርዓዋ ሓሲብካ ዘሎኻ ሰብ ኣዝማድ ዘይምዃንኩም፥ ብሕልናኻን ስለ ክብርኻን ኢልካ ፈሪምካ ብእተቕርቦ ናይ መረጋገጺ
  ጽሑፍ’ዩ። እቲ እተቕርቦ መረጋገጺ ድማ፡ ኣብቲ ናይ ምልክታ ኦርኒክ ክትረኽቦ ኢኻ።
• ዘይምርዕዊ ምዃንካ ክተርእየሉ ትኽእል ንኣብነት፥ ካብቲ ትነብረሉ ዘሎኻ ሃገር ካብ ዘሎዉ ኣብያተ-ስልጣን፥ ብዛዕባ ኣብዚ ሕጂ እዋን ኩነታት ሓዳርካ ብዚገልጽ ምስክር ወረቐት ክትገብሮ ትኽእል ኢኻ። እቲ ተቕርቦ ምስክር ወረቐት ድማ ኣብዚ ቀረባ ጊዜ ዝተዋህበካ፥ ዕድሚኡ ካብ ኣርባዕተ ኣዋርሕ ዘይሓልፈ ኪኸውን ይግባእ።

ቅድሚ ሕጂ ተመርዒኻ ምስ ትነብር፡ ካብቲ ናይ ሽዑ ቃልኪዳንካ ፍቱሕ ምዃንካ ክተርኢ ከድልየካ’ዩ። እዚ ድማ ንኣብነት ፍትሕ ብዝተፈጸመሉ ውሳኔ ወይ ውን ብናይ ሰብኣይካ ወይ ሰበይትኻ ”መረጋገጺ-ሞት” (dödsbevis) ሰነድ ክተርኢ ትኽእል ኢኻ። ናይ ቅድሚ ሕጂ ምዝጉብ መጻምድቲ-ሓዳር ጸኒሑካ ምስ ዚኸውን ውን፡ እዚ ኣገባብ’ዚ የገልግል’ዩ።

ንስኻትኩም ውን እንተዀነ፡ መታን ኣብ ሃገር ሽወደን ቃልኪዳን ንምእሳር ክትክእሉ፥ ብመሰረት ሕጊ ናይታ ዜጋ ዝኾንኩምላ ሃገር ወይ መቐመጢኹም ዝገበርኩማ ሃገር፥ ቃል ኪዳን ንኽትኣስሩ ዚፍቀደልኩም ምዃኑ ዘረጋግጽ ሰነድ ክተርእዩ ይግባእ። እዚ ነገር’ዚ፡ ንዓኻ ኣብ ህዝባዊ-መዝገብ ሽወደን ምዝጉብ ዝነበርካ፥ ናይ ሽወደን ቁጽሪ-መንነት ውን ዘሎካ - ግን ድማ ካብቲ ህዝባዊ-መዝገብ ዝተሰረዘካ ሰብ ውን ይምልከተካ እዩ። ንስኻትኩም ብተወሳኺ ዕድሜኹም ልዕሊ 18 ዓመት ምዃኑ፥ ኣዝማድ ዘይምዃንኩም፡ ክልቴኹም ውን ተመርዒኹም ዘይምህላውኩም ክተርእዩ የድልየኩም። ንሱ ድማ በዚ ዚስዕብ ኣገባብ ክትገብርዎ ትኽእሉ፡- እቲ ዜጋ ዝኾንካሉ ሃገርን እቲ ትቕመጠሉ ሃገርን ክልቲኡ ነንበይኑ ምስ ዚኸውን፥ እቲ ፍቓድ መውሃቢ ሕጊ፡ ናየነይተን ሃገር ኪኸውን ከም ትደልዮ ባዕልኻ ክትመርጽ ትኽእል ኢኻ። እቲ ዚድለ ዘሎ መረጋገጺ እዚ ዚስዕብ ኪኸውን ይኽእል’ዩ፡-

• ኣየናይ ዜግነት ከም ዘሎካ ዘርኢ ሰነድ ወይ ናየነይቲ ሃገር ተቐመጣይ ምዃንካ ዘርኢ ሰነድ ብምቕራብ ኮይኑ፤ ንኣብነት ብፓስፖርትኻ ወይ ብናይ ነባርነት ምስክር-ወረቐት ክትገብሮ ትኽእል ኢኻ።
• ወግዓዊ ምስክር-ወረቐት፡ ካብ ኣብያተስልጣን ናይታ ዜጋ ዝኾንካላ ሃገር ወይ ተቐጣይ ዝኾንካላ ሃገር፤ ብሕጊ ናይታ ሃገርቲ’ኣ፡ ነቲ ሓሲብኩሞ ዘሎኹም ምእሳር ቃልኪዳን ዝዓግት ነገር ከም ዘየሎ፥ ነቲ ምስክር መእሰሪ-ቃልኪዳን ዚበሃል ሰነድ (äktenskapscertifikat) ብምቕራብ እዩ።
• ወግዓዊ ምስክር ወረቐት፡ ካብ ኣብያተስልጣን ናይታ ዜጋ ዝኾንካላ ሃገር ወይ ተቐማጣይ ዝኾንካላ ሃገር ወይ ውን ካብ ናይ ሃገርካ ኤምባሲ፥ ብመሰረት ሕጊ ናይታ ሃገር’ቲኣ፡ እቶም ንምእሳር ቃልኪዳን ዚዓግቱ ኵነት እንታይ ምዃኖም ብምቕራብ እዩ።

እንተ ደኣ እቲ ሕጊ ናይታ ዜጋ ዝኾንካላ ሃገር ወይ ተቐማጣይ ዝኾንካላ ሃገር፥ ቅድሚ’ቲ ንስኻ ቃልኪዳን ምእሳርካ፡ ክተማልኦ ዘሎካ ኵነት ዘቕርብ ኮይኑ፥ ነቲ ኵነት’ቲ ተማልእ ምዃልካ ንምምስኻር፥ ነቲ ሰነድ’ቲ ናብ ”ቤትስልጣን-ግብሪ” (Skatteverket) ክተቕርቦ የድልየካ’ዩ። እዚ ድማ ንኣብነት፡ ናይ ሓኪም ምስክር-ወረቐት ወይ ናይ ”ኣላይኻ” (förmyndare) ናይ ፍቓድ ወረቐት ኪኸውን ይኽእል’ዩ። ስለዚ እምበኣር፡ ቅድሚ’ቲ ኣብ ሽወደን ዚግበር መጽናዕቲ ፍቓድ ቃልኪዳን ምጅማሩ፥ ኵሎም እቶም ዘድልዩ ምስክር-ወረቓቕቲ ከም ትቕርቦም ግበር(ሪ)።

ዝኾነ ካባና ተቐማጣይ ሃገር ሽወደን ኣይኮነን፥ ሓደ ካባና ግን ናይ ካልእ ”ኖርዲክ ሃገር” ዜጋ እዩ

• ዝኾነ ካባና ተቐማጣይ ሃገር ሽወደን ኣይኮነን፥ ሓደ ካባና ግን ናይ ካልእ ”ኖርዲክ ሃገር” ዜጋ እዩ
  

ዝኾነ ካባኻትኩም ተቐማጣይ ሃገር ሽወደን ምስ ዘይከውን፥ ሓደ ካባኻትኩም ግን ናይ ካልእ ”ኖርዲክ ሃገር” (Danmark, Finland, Island ወይ Norge) ዜጋ ምስ ዚኸውን፥ እቲ ሰብ’ቲ ብመሰረት’ቲ ሕጊ ናይታ ”ኖርዲክ ሃገር” እቲኣ ቃልኪዳን ኪኣስር ፍቓድ ከም ዘሎዎ ዘመሳኽር ሰነድ ከርኢ የድልዮ። እቲ ዘድሊ መመሳኸሪ ሰነድ፡ እዚ ዚስዕብ ኪኸውን ይኽእል’ዩ፡-

• ዜጋ ናይ ካልእ ”ኖርዲክ-ሃገር” ምዃንካ ዘርኢ ሰነድ፥ ንኣብነት እዚ ፓስፖርትኻ ብምርኣይ ኪግበር ይኽእል’ዩ።
• ብመሰረት ሕጊ ናይታ ”ኖርዲክ-ሃገር” እቲኣ፥ ቃል ኪዳን ክትኣስር ዚፍቀደልካ ምዃኑ ዘረጋጽ ሰነድ ብምቕራብ እዩ።
  

ምስክር ወረቐት መጽናዕቲ ፍቓድቃልኪዳን ካብ ካልእ ”ኖርዲክ-ሃገር”

እንተ ደኣ ኣብ ካልእ ”ኖርዲክ-ሃገር” መጽናዕቲ ፍቓድ ቃልኪዳን (hindersprövning) ተጌሩልኩም ኮይኑ፥ ኣብ ሽወደን ክትምርዓዉ እንተ ደሊኹም ውን ንሱ የገልግል እዩ። እዚ ድማ እንታይ ዜግነት ከም ዘሎኩም ብዘየገድስ ዘገልግል እዩ። ከም ብሓድሽ ኣብ ሽወደን መጽናዕቲ ፍቓድ ቃልኪዳን (hindersprövning) ምግባር ኣየድልየኩምን እዩ። ስለዚ፡ ነቲ ካብ ካልእ ”ኖርዲክ-ሃገር” ዝረኸብኩሞ ምስክር ”መጽናዕቲ ፍቓድ ቃልክዳን” ወረቐት፥ ብቐጥታ ነቲ ”ኣእሳሪ-ቃልኪዳን” (vigselförrättaren) ክትህብዎ ትኽእሉ ኢኹም። ብተመሳሳሊ ኣገባብ፡ እቲ ናይ ሽወደን ”መጽናዕቲ ፍቓድ ቃልኪዳን” (hindersprövning) ኣብተን ካልኦት ”ኖርዲክ-ሃገራት” ውን ዘገልግል እዩ።

ስም ስድራቤት ንምምልካት

• ተወሳኺ ሓበሬታ ብዛዕና ምቕያር ስም ስድራቤት - ናብቲ ናይ ሰብኣይ ወይ ናይታ ሰበይቲ ስም ስድራቤት ንምቕያር ኣብዚ ኣንብብ።

ኦርኒካት - Blanketter

• ”መጽናዕቲ ፍቓድ ቃልኪዳን”፡ መመልከቲን መረጋገጺን ኦርኒክ Hindersprövning, Ansökan och försäkran (SKV 7880)