ኣብቲ እተመዝገብካሉ ኮሙን ኢኻ ቀረጽ እትኸፍል። ምዝገባኻ ነቲ ንኣብነት ምህናጽ ገዛውቲ፡ ናይ ኣረጋውያን ክንክንን ኣብያተትምህርትን ይጸልዎ እዩ።

እቲ ኣድራሻታት ኣብ ብዙሓት ትካላት እዩ ዚዝርጋሕ

ናይ ምግዓዝ ሓበሬታ ምስ ሃብካ፡ ስካተቨርከት ነቲ ሓድሽ ኣድራሻኻ ናብ ብዙሓት ትካላትን ኮሙናትን ወረዳታትን ይዝርግሖ።

• ቤትጽሕፈት ውሕስነት ካሳ
• ሚግረሽን/ቤትጽሕፈት ስደተኛታት
• ምቕያስ መሬት
• ቤትጽሕፈት ትራንስፖርት
• ማእከላይ ቦርድ ትምህርታዊ ደገፍ
• ቤትጽሕፈት ጥሮታ

ብዙሓት ዋኒናት ከም ዓበይቲ ባንክን ናይ ውሕስነት ድረጅታትን እውን ነቲ ሓድሽ ኣድራሻኻ ይወስዱዎ እዮም።

ንብሕታውያን ሰባትን፡ ኣባል ዝኾንካለን ማሕበራትን ውድባትን፡ ንዓሚል ዝኾንካለን መጽሔታትን ነቶም ሓድሽ ኣድራሻኻ ብርግጽ ኪህሉዎም እትደሊ ዋኒናትን ነቲ ሓድሽ ኣድራሻኻ ክትሕብር ትኽእል ኢኻ።

• ሓበሬታ ካብ ህዝባዊ ደብተር ከመይ ገይሩ ከም ዚዝርጋሕ ብተወሳኺ እነሆ
  

ተቐቢልካ ዚለኣኽ ፖስታ

ተቐቢልካ ዚለኣኽ ፖስታ ማለት፡ እቲ በቲ ኣረጊት ኣድራሻኻ ዚለኣኽ ፖስታ ናብቲ ሓድሽ ኣድራሻኻ ኪለኣኽ ከሎ ማለት እዩ። ተቐቢልካ ምልኣኽ ግን ነቲ እተመዝገብካሉ ኣድራሻ ኣይቅይሮን እዩ። ፖስታኻ ተቐብሊሎም ኪሰዱልካ እንተ ደሊኻ ኣብቲ ናይ ሽወደን ናይ ምልዋጥ ኣድራሻ ከፊልካ ኣግብሮ። እቲ ፖስታ ኣብ ውሱን ግዜ እዩ ዚለኣኸካ፡ መብዛሕትኡ ግዜ ኣብ ውሽጢ ዓመት

• ናብ ሽወደናዊ ቤትጽሕፈት ምልዋጥ ኣድራሻ External link, opens in new window.