Seamma vejolašvuođat ja eavttut
Buot priváhtaolbmuin ja fitnodateaiggádiin galget leat seamma vejolašvuođat ja eavttut go sii váldet oktavuođa minguin beroškeahttá sohkabealis ja agis, sohkabealebadjilmanni identitehtas dehe albmabuktimis, etnalaš gullevašvuođas, oskkus dehe eará oskkuipmárdusas; doaibmaráhkadeamis dehe seksuálalaš mieđisvuođas.
Ruoŧa servodat vuođđuda dasa ahte buohkat geat barget galget máksit vearu. Vearru lea sierralágan sierra gielddain ja molsasaddá vuolgimiin das man olu dinet. Vearru gevtojuvvo earet eará buohccedikšui, luottaide ja boarrásiidfuolaheapmái.
Vearrodoaimmahat lea sierra eiseváldi
Politihkkarat riikkabeivviin, gielddain ja eanadikkis mearridit geat ja man stuora vearut Ruoŧas galget leahkit. Vearrodoaimmahat bargá váldimiin vearuid. Mii leat ráđđehusa vuolážat muhto leat sierra eiseváldi. Danin ráđđehus ii sáhte váikkuhit ovttaskas olbmuid ja fitnodagaid vearrojearaldagaide.
Dán vearrodoaimmahat dahká
Mii sihkkarastit almmolaš sektora ruhtadeami ja veahkehit bures doaibmi servodahkii eastalemiin vearrodaguid.
Vearrodoaimmahaga váldobarggut leat váldit vearu, dikšut álbmotsisačállima, náittosregistara ja dállovearuheami, registreret beassečáliheami ja leahkit boargárin stáhtii. Mii ráhkadit id-koarttaid olbmuide geat leat álbmotregistrerejun Ruoŧas. Mii čielggadit vearrorihkkosiidnai.
Dá lea oanehaš čoahkkáigeassu surggiin main Vearrodoaimmahagas lea vástu.
Dinesvearut
Ruoŧas mii máksit dinesvearu ovdamearkka dihte bálkkas, buohcceruđas ja penšuvnnas. Reanttut, juogadasat ja vuoittut ossosiin, dáluin ja orohatvuoigatvuođain rehkenasto maid dinesin ja vearuhuvvo. Dinesvearru manná vuosttažin gielddaide ja eanadiggái muhto stáhtiinai.
Aktii jagis mii dahkat vearroalmmuhusa min dinesiin dinesvearroalmmuhusas. Dan dagat álkimusat ja sihkkarepmosit digitálalaččat.
Gávpevearru ja čuokkesvearut
Stáhta váldá gávpevearu eanas diŋggain ja bálvalusain mat vuvdo. Gávpevearru lea rehkenaston haddái man mii priváhttaolbmot máksit. Dávjá gávpevearru lea 25 proseantta. Dihto diŋggain dego boaldámušas, energiijas, viinnis ja duhpáhis stáhta váldá nu gohčoduvvon čuokkesvearunai.
Vearru ealáhusdoaimmas
Dat gii doaimmaha ovttaskas ealáhusdoaimma dehe gávpesearvvi máksá vearu doaimma badjelbáhcagis. Ealáhushárjeheaddji dahká vearroalmmuhusa badjelbáhcagis iežas dábálaš dinesvearroalmmuhusas. Ossodatsearvigis vearuha álot 20,6 proseantta searvvi vuoittus.
Bargoaddimávssut
Bargoaddi máksá sosiálamávssuid bargiidis ovddas. Dat guoská buot bargobuhtadusa ja máksin dáhpáhuvvá dábálaččat aktii mánus.
Veahkadatgirjedoallu
Veahkadatgirjedoalus leat dieđut buohkain geat leat Ruoŧa riikkavuložat, sis lea bissovaš orrunlohpi dehe lea EO- riikkavuloš gii sáhttá geavtit ávkin iežas orrunrievtti. Vuođđonjuolggadus lea ahte don galggat leat veagadatčálihuvvon doppe gos orut. Veahkadatgirjedoallu stivre ovdamearkka dihte gos don galggat máksit vearu, du rievtti jienastit almmolaš politihkalaš válggain ja rievtti sierra veahkkeruđaide.
Veahkadatgirjedollojun dus lea persovdnanummir mii siskkilda du riegádanáiggi ja lassin njeallje nummara. Persovdnanummir dárbbahuvvo earet eará jus válddát oktavuođa buohccevissui ja eiseválddiid, go don galggat almmuhit johtima, nama molsuma dehe náitalit.
Beassečáliheamit
Vearrodoaimmahat registrere beassečálihemiid. Beassečáliheapmi lea čoahkkáigeassu mii čájeha jápmán olbmo opmodaga ja velggiid.
Náittosdiliregisttar
Don galggat jorgasit vearrodoaimmahahkii go registreret náittossoahpamuša, skeaŋkka beallelaččaid gaskkan, almmuhusa beassejuogus ja beassejuogoáššebáhpiriin.
Id-koarta
Buohkat geat leat veahkadatgirjedollon Ruoŧas ja leat deavdán 13 jagi sáhttet ohcat id-koartta Vearrodoaimmahagas. Dat lea dohkkehuvvon id-áššebábir riikkas mii siskkilda e-legitimašuvnna. E-legitimašuvnnain don sáhtát sihkkaris vugiin čájehit gii don leat interneahtas.
Vearrorihkkosa dutkan
Vearrodoaimmahat dutká, eastala ekonomalaš rihkolašvuođa vearrosuorggis.
Velgoheaddjibargu
Vearrodoaimmahaga vástun lea fuolahit ahte priváhttaolbmot ja fitnodagat mákset vearuid ja mávssuid maid politihkkarat leat mearridan. Dat gohčoduvvo ahte mii gohcit stáhta ruhtaoažžumiid. Jus šattalii áiggeguovdilin dat leat mii geat ohcat reastaluvvama stáhta nammii.
Váldde oktavuođa minguin
Riŋge 0771-567 567 ja daja ”Veaksil” jus háliidat ságastit dálá áššis. Dalle beasat ságastit gieđahalliin dehe nu mii sáhttit soahpat áiggi ságasteapmái dulkka bakte.
0771-567 567
Tillsammans gör vi samhället möjligt