ውዕል መርዓ/ቃልኪዳን

ብሕታዊ ጥሪት ኪብሃል ከሎ ኣብ ምምቕቓል ከም ዘይኣቱ ኾይኑ ዚምዝገብ ጥሪት እዩ፡ ማለት ኣብ እዋን ፍትሕ ጥሪት ክትማቐሉ ከለኹም ማለት እዩ። ብሕታዊ ወይ ፍሉይ ጥሪት ዘይኮነ፡ ሓዳራዊ ጥሪት (giftorättsgods) ይብሃል።

ፍሉይ ወይ ብሕታዊ ጥሪት ናብ ሓዳራዊ ጥሪት ክትልውጡዎ ምስ እትደልዩ፡ ከም ብሓድሽ ናይ ቃልኪዳን ውዕል ክትገብሩ ይግባእ።

ምእንቲ ውዕል ቃልኪዳን ቅቡል ኪኸውን፡ ብጽሑፍ ኪቐርብ ይግባእ። ኣብ ስካተቨርከት/ቤትጽሕፈት ቀረጽ ድማ ኪምዝገብ ይግባእ። ብድሕርዚ ስካተቨርከት ነቲ ሓበሬታ ኣብቲ ናይ መርዓ መዝገብ ይምዝግቦ።

ውዕል መርዓ ምምዝጋብ

ኣብ ስካተቨርከት/ቤትጽሕፈት ቀረጽ፡ ውዕል መርዓ ንምምዝጋብ ከምዚ ዚስዕብ ግበር፤

1. ውዕል መርዓ ኣዳሉ። ነዚ ዚኸውን ፍሉይ ፎርም የሎን። ዝሓሸ ግን ጠበቓ ረኺብካ ነቲ ውዕል ኪጽሕፈልካ ምሕታት እዩ።
2. ምእንቲ ስካተቨርከት ነቲ ኣብ ህዝባዊ ደብተር ዘሎ ሓበሬታ ከረጋግጾ፡ ኣብቲ ውዕል መርዓ ናትካ ቍጽሪ ሃገራዊ መንነት/ፐርሾንኑመር ጥቐስ
3. ነቲ ናይ መርዕ ውዕል ክልተኻትኩም ፈርሙሉ
4. ነቲ ሓበሬታ 275 ክሩነር ክፈሉሉ። ናብ ስካተቨርከት ባንክዪሮ 227-5782። ስምን ፐርሾንኑመርን ጸሓፉ፡ንውዕል መርዓ ከም ዚምልከት ድማ ሓብሩ። (ብኢንተርነት ምስ እትኸፍሉ ነቲ ሓበሬታ ወይ ናይ ሓበሬታ ባንድ ተጠቐሙ)
5. እቲ ናብ ስካተቨርከት እትልእኩዎ ናይ መርዓ ውዕል ኦሪጂናል ኪኸውን ይግባእ። ቅዳሕ ኣይትስደዱ ምኽንያቱ ድማ ስካተቨርከት ነቲ ውዕል ምስ መዝገቦ ነቲ ኦሪጂናል ክመልሰልኩም ስለ ዝኾነ። ነዚ ዚስዕብ ኣድራሻ ተጠቐሙ፤

Skatteverket
Äktenskapsregistret
871 87 Härnösand