Deklaratcija aj te pushines skatto
Khate arakhes tu informatcjia pe pherdo chiba pa deklaratcija.
Khate shaj gines so si maj vazno pa deklaratcija aj sar te pushines o skatto. Gado texto si vi pe sveditska aj vi pe kaver chiba. Tu arakhes o divano pe sveditska kana chides pe lumjaki planeta opral pe rig po angluno divano.
Kana tu les love opral jekh levelo turbos te pushines skatto. Godo zeno kaj pushinel tuke le love trubol te pushinel andre o skatto kaj Skatteverket. Skatto trubol aba te avel cirdino kana les le love. Cacimos si tut te les lovengo specifikatcija vaj jekh ram svako data kana les love. E specifikatcija sikhavel sode skatto aba cirde tele.
Te shaj kerdol vorta trubos te des andre lovengo deklaratcija kaj Skatteverket jekh data ando bersh. Godo bushol ke tu keres deklaratcija. Deklaratcija si pa le love kaj tu aba lan o bersh angla tu kerdan deklaratcija.
Kana du kerdan deklaratcija ginel avri o Skatteverket te si vorta chiro skatto. Ando decembro godo bersh tu keres deklaratcija les tu jekh lil khatar Skatteverket, jekh skattosko pazletno ram (slutskattebesked). Khote ashel te trubosa te pushines maj but skatto, skatto kaj ashela (kvarskatt) vaj te les palpale skatto, ke pra but skatto pushindan (skatteåterbäring).
Kon kerel e deklaratcija?
Tu trubos te keres deklaratcija te aveli e ram tuke. E deklaratcija avel tuke pe poshta vaj ande digitalno poshta, te si tut jekh (Billo, Kivra vaj Min myndighetspost).
Univar maladol pe ke si mushaj te keres deklaratcija vi te chi lan e ram
Te chi lan e ram te keres deklaratcija trubos te keres deklaratcija te desa adveto jo pe gadala pushimata:
- Te trajindan ando Svedo antrego 2025 aj sas tut maj bu tsar 24 872 kronori svako shon, te si le love khatar buchi, vaj te si tut jekh skefto vaj njamonge love (föräldrapenning).
- Te trajinand ando Svedo jekh vramja ando 2025 aj sas tut maj sar 100 kronori svako shon ando Svedo, te si le love khatar jekh buchi, vaj te si tut jekh skefto vaj njamonge love (föräldrapenning).
- Te si tut kapitalno love ando Svedo pe 200 kronori vaj maj but love tela 2025. Kapitalno love si sar eksemplo renta pe garade love vaj nirishago pe aktier vaj kaver vazne rama. Vi shaj avel nirishago te pishinadan chiro kher vaj si pe dujto vast.
- Te avela tuke love khatar cinoro skefto tela 2025. Shaj avel sar eksemplo te huladan avri, azutimos vaj kaver azutimaske love. Jekh cinoro skefto si jekh aktie bolago kaj maj but sar shtar zene ande jekh than inkeren dopash khatar le aktier.
- Tute si jekh kher, vaj jekh khotar khatar jekh kher, ando 1 januvari 2025. Jekh kher si kana si tut kher pe jekh mal, milajesko kher vaj jekh mal.
- Tu kaj lan jekh lil khatar Skatteverket, ke san krisindo (ett föreläggande) si ke mushaj tuke te trades andre deklaratcija. Kana o manush si krisindo avel tuke jek lil pe poshta vaj jekh digitalno lil.
Shaj avel ke si tuke mushaj te keres deklaratcija vi te lan love khatar jekh kaver them. Pe rig Deklaratcija pe love khatar thema arakhes pherdo informatcija.
Tu kaj trajinad ande jekh kaver them antrego bersh, shaj avel te trubos te keres deklaratcija ando Svedo.
So trubol te avel andre ando deklaratcija?
Gado si eksemplori pe love kaj trubol te avel andre ande deklaratcija:
- love vaj kaver love kaj avel tuke kana keres buchi
- pensiona
- njamonge love (föräldrapenning) vaj pe skurto vramja njamonge love
- renta pe garade love sar eksemplo khatar jekh banka.
Gado si eksemplori pe love kaj te na avel andre ande deklaratcija:
- love pe etablatcija, khotora kaj etablatcija och lovengo azutimos kaj kher
- lovengo azutimos te trajis
- glatenge love, khereske love aj khereske azutimasko love
- lovengo azutimos khatar CSN
Kana te keres deklaratcija?
Tu trubos te des andre lovengo deklaratcija kaj Skatteverket angla o 4 majo.
Te keresa e deklaratcija angla o 31 marto biris vi te les famja le love (skatteåterbäring) palpale aba ando aprilo. Numa atunchi trubos te keres deklaratcija khatar e-azutimos, sms, vaj te mares telefono. Tu nashis te paruves variso. Sar eksemplo te trades andre jekh ram ke te paruves varisoski informatcija.
Te keresa deklaratcija pala 31 marto les le love angla so getol o bersh.
Te trubola tut man vramja te keres deklaratcija
Te trubola tut maj vramja te lashares e deklaratcija mushaj te rodes slobodija angla. Atunchi biris te keres e deklaratcija zi kaj 1 juni. Ame trubonas te las andre e ram kaj rodes pe maj lungo vramja angla 4 majo.
Tu biris te rodes khatar gadala punktori pe maj lungo vramja:
- Te zas andre pe skatteverket.se, te si tut e-legitimatcija
- Te mares telefono kaj Skatteupplysning, 0771-567 567 ( khatar jekh kaver them +46 8 564 851 60)
- Te aves kaj amari kontora.
Sar ramos e deklaratcija?
O manush kaj pushinel andre le love butivar mothol kaj Skatteverket sode love kerdan antrego bersh. Anda good ramol o Skatteverket aba andre le love ande chiri deklaratcija kaj ame tradas tuke. Le love kaj dikhes ando deklaratcija si chiro antrego lov, godya si le love angla so cirde o skatto.
Te si sa vorta
Te si sa vorta ando deklaratcija, trubos ferdi te ramos chiro anav aj te trades andre e deklaratcija. Gin maj dur Sar te trades ande deklaratcja.
Te trubosa te paruves vaj te maj te thos andre
Univar maladol pe ke mushaj te paruves vaj te thos maj andre informatcija ando deklaratcija. Shaj maladol pe sar eksemplo ke chiro sherotno trada ande xori informatcija kaj Skatteverket vaj te bishindan o kher vaj vazne rama.
Te paruvesa vaj thos mushaj te keres deklaratcija ando e-azutimos Lovengodeklaratcija 1 vaj pe ram deklaratcija. Te paruves ande deklaratcija ando e-azutimos mushaj te avel tut sveditsko e-legitimatcija. Kana chi trubol si kana cirden love kana trades aj zastar khatar bucji kaj tu biris te keres ando e-azutimos vi te avela tut kodori. Gin maj dur Sar te tradav andre deklaratcija.
Lan tu vorta profundosko cirdimos? (grundavdrag)
Kana tu beshes aj keres buchi ando Svedo si tut butivar chachimos kaj profundosko ciridimos. Profundosko ciridimos si jekh ciridimos kaj Skatteverket kerel khatar chiri love angla sode ginas avri chiro skatto. O ciridimos si butivar ke trubos te pushines maj sera skatto. Te si tut jekh skefto ginas o profundosko cirdimos pe le love kaj keres po skefto.
Khatar godo bersh kana tu pherdos 67 si o profundosko ciridimos maj vuzo.
Gadya anen le zakonori kaj profundosko ciridimos:
- Te trajinan aj sas tut love ando Svedo antrego bersh si tut chachimos po profundosko ciridimos pe antrego bersh.
- Te trajinan ande jekh kaver them numa kerdan deklaratcija maj xanci 90 procenti khatar le love pe antrego bersh ando Svedo, si tut chachimos kaj profundosko ciridimos.
- Te trajinan aj sas tut love ando Svedo jekh vramja khatar o bersh si tut chachimos kaj profundosko ciridimos pe godola shon kaj trajinan khate.
Skatteverket kerda butivar profundosko ciridimos ande chiri deklaratcija kana lan les. Te chi kerdam godo, vaj gindis ke si o profundosko ciridmos pra tele, trubos te ramos delal Kaver informatcija sode shona kerdan buchi ando Svedo tela o bersh anglaaj kames profundosko cirdimos tela godya vramja.
Te sas tut koshtori kaj shaj cirden tele?
Te sas tut koshtori te shaj keres buchi, shaj maladol pe univar ke shaj cirdin tele ando chiro deklaratcija. O cirdimos kerel te hulel tele o skatto. Sar eksemplo kana shaj cirdin tele si:
- te trubos te trades lungo drom kheral zi kaj buchi
- tu beshes ande jekh kaver foro pala e buchi aj chiri familja ande jekh kaver foro.
Te si tut jekh firma/skefto
Te si tut jekh firma/skefto trubos te ramos andre jekh kaj bushol skeftosko ram, NE-bilaga (näringsbilaga). E ram trades andre ande jekh than mit e deklaratcija. Ande skeftoski ram ramos e informatcija pa chiri firma. E ram bushol SKV 2161 aj biris te ramos la avri khatar skatteverket.se vaj shaj manges la kana mares telefono kaj Skatteupplysning po nummero 0771-567 567.
Si jekh guide kaj sikhavel tuke sar te ramos e deklaratcija. E guida si pe sveditska aj pe engleshitska.
Sar te trades andre deklaratcija?
Gadya shaj trades andre e deklaratcija:
- pa sms
- te mares telefono
- pa e-azutimos Lovengo deklaratcija 1
- te trades andre hirtijako deklaratcija.
O texto ando sms-azutimos, e-azutimos aj deklaratcija si pe sveditska. Te keras e deklaratcija kana mares telefono les informatcija pe sveditska aj engleshitska.
Kodori pe lovengi deklaratcija
Butivar si kodori pe deklaratcija kaj tu lan. Le kodori shaj haznis kana keres deklaratcija.
Te chi lan kodori maladol pe ke trubos te paruves variso ando deklaratcija.
Te xasarden kodori nashis te les neve. Gado zindol te chi maj phirena le kodori te paruves variso ande deklaratcija khatar o Skatteverket ramonda andre.
Te na avela tut kodori biris te keres deklaratcija ando e-azutimos, te si tut e-legitimatcija. Vaj shaj keres e deklaratcija pe hirtija.
Po sms
Te shaj keres deklaratcija po sms te si le punktori malade pala tute:
- Te lan deklaratcija mit kodori
- Ferdi kana site premis e deklaratcija
- Te si tut sveditsko abonnemango po telefono.
Gadya keres deklaratcija po sms:
- Le angle e deklaratcija aj dikhta te si sa e informatcija vorta.
- Te arakhes chire kodori. Von le ando specifiktno kaj deklarartcija.
- Le angle le kodori aj ramosar chiro anav. Trade sms po chiro manushesko numero aj vi o kodo te ramos kaj 71144. Na tho andre themsko kodo angla 71144, vi te san ande jekh kaver them. Na bister aj ker mellanslag mashkar o manushesko numero aj o kodo kana ramos telel. Eksemplo: ÅÅMMDDNNNN 99999999.
- Azuker po sms kaj avel palpale. Sms sikhavel ke kerdan e deklaratcija. Shaj maladol pe ke mushaj te azukeres 10 minutsi angla so avel.
- Garav o sms kaj sikhavel ke nakhla.
Te chi zala o kodo te ramos telal si atunchi variso ando chiri deklaratcija kaj parudisajlo kana tradeles tuke. Atunchi trubos te keres deklaratcija mit e-legitimatcija ando e-azutimos Lovengo deklaratcija 1 vaj pe hirtijako deklaratcija.
Te mares telefono
Tu shaj keres deklaratcija te mares amenge telefono te lan e deklaratcija ande jekh than mit le kodori aj ferdi site premis e deklaratcija.
Gadya keres deklaratcija kana mares telefono amenge:
- Le angle e deklaratcija aj dikhta te si e informatcija vorta.
- Te arakhes chire kodori. Von si pe specifikatcija ando deklaratcija.
- Mar telefono kaj 020-567 100 (+46 8 764 92 40 te maresa telefono khatar jekh kaver them). Ashun po divano aj pe instruktatcija. Tu shaj les e instrukatatcija po englishtiska vaj pe sveditska. Azuker jipon ashunes o divano kaj ginel tuke opre po telefono. O divano mothol ke avela andre e deklaratcija. O divano site avela garado, aj tu biris te mares telefono te ashunes kana tu manges.
Pa e-azutimos
Te si tu sveditsko e-legitimatcija biris te keras sa so si pa deklaratcija ando e-azutimos Lovengo deklaratcija 1.
Te na avela tut sveditsko e-legitimatcija, numa lan kodori te keres e deklaratcija, biris te hules andre ando azutimos pala le kodori kaj tu arakhes ando specifikatcija ando deklaratcija. Khote shaj premis e deklaratcija aj te keres uni dromengo koshoto, numa nashtis te paruves variso kaver.
Gadya keres deklaratcija ando e-azutimos:
1. Huli andre pe e-legitimatcija vaj mit o kodo te keres identifikatcija kaj arakhes ando specifikatcija ando chiri deklaratcija. Tu trubos vi te ramos chiro manushesko numero. E-azutimos si pe sveditska.
2. Dikhta e informatcija ande deklaratcija aj paruv godo so trubol. Te hulistan andre mit le kodori biris te cirdis tele pa le droma kheral zi kaj buchi, numa na kaver zeli.
3. Premisar e deklaratcija mit chiro e-legitimatcija vaj mit le kodori te ramos chiro anav kaj arakhes ando specifikatcija ando deklaratcija. Tu les anda jekh data kvittenso kaj sikhavel ke avila andre e deklaratcija kaj Skatteverket.
Deklaratcija pe hirtija
Tu kaj site keres deklaratcija lan butivar aba gata ramome deklaratcija pe hirtija vaj po digitalno poshta, te si tut jekh. Te chi lan jekh deklaratcija, shaj mares telefono kaj Skatteupplysningen vaj shaj zas kaj jekh servic kontora te les jekh hirtijako deklaratcija.
Gadya keres deklaratcija pe hirtija:
- Dikhta e informatcija ande deklaratcija.
- Te trubos te paruves variso: kerdo goda aj ramosar andre o nevo totalno koashto ande parni kolumno pe linja kaj kames te paruves.
- Ramosar telal e deklaratcija.
- Tho poshtaki stempla aj trade e deklaratcija kaj
Skatteverket
Inläsningscentralen
Inkomstdeklaration 1
FE 8000
107 75 Stockholm
Te trubola varikon kaver zeno te kerel tuke deklaratcija
Tu shaj mokhes varikon kaver zeno te kerel tuke e deklaratcija, te zanes ke site avel tuke phares te keres godo. Atunchi rodes slobodija kaj Skatteverket ke jekh kaver zeno avel tuke deklaratcijako ombudo.
Rode jekh shon angla tu trubos te keres deklaratcija. Shaj rodes e ram kaj Skatteverkets e-azutimos po Ombud pa slobodija. E ram si pe engleshitska aj sveditska. E-azutimos si ferdi pe sveditska.
Kana Skatteverket premisarda chiro deklaratcijako ombudo tela e vramaj ramol tuke ke chi maj trubol.
Te les palpale skatto – pushindan pra but skatto aj les palpale love (skatteåterbäring)
Pala jekh vramja kana kerdan deklaratcija les atunchi jekh skattosko pazletno ram (slutskattebesked). Khote ashel te lesa tu palpale skatto, godo si ke pra but pushindan skatto aj les palpale love, godo bushol skatteåterbäring. Kana les palpale love shaj avel ke lan love khatar buchi aj cirde pra but skatto.
Po skattosko pazletno ram (slutskattebesked) vi khote ashel sode love les palpale.
Sar aj kan les palpale o skatto?
Te shaj les palpale o skatto trubos te ramos kaj Skatteverket o kontonumero kaj chiri banka. Te na avela tut banka shaj rames telefono kaj Skatteupplysning po 0771-567 567 vaj te zas kaj lengi service kontora.
Te ramosa o konto numero angla so trades andre e deklaratcija les le love automatiskno kaj chiro konto. Tu te ramosa pala o konto numero trubos te manges korkoro te traden le love kaj chiro konto. Godo keres te mares telefono kaj Skatteupplysning po 0771-567 567 vajte zas kaj lengi service kontora.
Te ramos o konto numero kaj jekh sveditsko banka
Te si tut sveditsko e-legitimatcija shaj ramos kaj Skatteverket chiro konto numero kana keres e deklaratcija ando e-azutimos Lovengo deklaratcija 1. Tu biris vi te ramos andre ando e-azutimos o Skatte konto.
Te na avela tut sveditsko e-legitimatcija biris te ramos kaj Skatteverket chiro konto numero. Atunchi keres gadya:
vaj
Te ramos konto numero kaj jekh themoni banka
Te na avela tut sveditsko konto numero shaj manges te traden le love kaj jekh themoni banka.
Gadya ramos kaj Skatteverket kaj jekh themoni banka:
- Ramosar jekh lil kem anges le love ande jekh themoni banka kaj Skatteverket. Ando lil trubol te ashel:
- Chiro anav, chiro sveditsko manushesko numero vaj khetanimasko numero aj informatcija sar te lel o Skatteverket tusa kontakto.
- IBAN aj BIC kaj e themoni banka
- Chiro anav aj sar ramos chiro anav vorta.
- Lashar jekh originalno ram khatar e themoni banka. E ram nashil te avel shov shoneski phurani aj trubol te ashel:
- O dzes kana ramonde o lil
- Chiro anav aj chiro sveditsko manushesko numera vaj khetanimasko numero.
- Chiri adressa aj chiro telefonosko numero.
- IBAN aj BIC kaj chiri konto
- Anav po zeno kaj kerel buchi ande banka aj te ashel vorta o anav.
- Trade e ram aj e lil kaj:
Skatteverket
205 30 Malmö
Skatteverket site haznil o konto numero jipon chi phenes variso kaver.
Te pushiness maj but skatto - kvarskatt
Pala jekh vramja kana kerdan deklaratcija avel pazletno skattosko ram. Khote shaj ashel te trubos te pushines maj but skatto, kaj bushol kvarskatt. Kvarskatt shaj avel ke lan andre love khatar e buchi aj pushinde pra sera love po skatto kaj Skatteverket.
Ando pazletno skattosko ram ashel vi sode tu trubos te pushines andre le love aj kana kaj Skatteverket.
Kana site pushines?
Tu trubos te pushines andre le love angla 90 dzesa kana avela tuke o pazletno skattosko ram. O dzes kana trubon le love te aven andre po Skatteverkets konto ashel ando pazletno skattosko ram, tu shaj aba pushines andre le love kana lan chiri deklaratcija.
Renta
Sar te pushines andre le love?
Tu pushines pa bankgiro po numero 5050-1055. Tu biris vi te pushines pa Swish, numa atunchi mushaj te hulas andre po skatteverket.se aj te avel tut sveditsko e-legitimatcija aj le tut pala e instrukatcija. Instrukatcija si ferdi pe sveditska.
Tu mushaj te pushiness ande sveditska kroni. Na bister aj dikhta o aktuelno lovengo kurso.
Te pushines pa bankgiro ando Internet banko
Tu biris te pushines pa bankgiro ando chiro Internet banko. Ferdi thos andre sode si kaj trubos te pushines aj chiro OCR-numero (referens numero). OCR-numero ashel pe chiro pazletno skattosko ram pe chiri lovengi deklaratcija.
Tu biris te rodes opre chiro OCR-numero ando Skatteverkets azutimos, kaj ferdi si pe sveditska. Ramosar chiro manushesko numero ande kolumno Manush- vaj orginsatcijako numero. Cide pe kolumno Gin avri.
- Skatteverkets azutimos te rodes savo OCR-numero (pe sveditska):
Te punshines pa bankgiro pe ram
Te pushinesa andre pa bankgiro pe jekh ram kaj aba si ramome andre (inbetalningskort) trubos ferdi te ramos sode love trades andre. Tu shaj manges aba ramome ram te maresa telefono kaj Skatteupplysning vaj te zas kaj service kontora.
Te tu gindo ke lel duj trin dzesa khatar e banka angla so traden le love kaj Skatteverket.
Te pushines khatar jekh themoni banka
Te pushines khatar jekh themoni banka si sa jekh fjalo kana pushines khatar jekh sveditsko banka. Atunchi trubos te ramos gado:
- IBAN-numero: SE56 8000 0890 1196 4624 0516
- BIC-/Swiftkod: SWEDSESS
- Bank: Swedbank AB, SE-105 34 Stockholm
- Kaj te zan le love (Betalningsmottagare): Skatteverket, SE-831 87 Östersund
- Chiro manushesko numero vaj OCR-numero
Te trubol tut inke mat but informatcija pe deklaratcija
Pe kaver riga po skatteverket.se si inke maj but informatcija pa lovengo deklaratcija. Godo si ferdi pe sveditska aj univar po engleshitska.
Te trubola tut maj detaljo pe informatcija aj te chi ashera sveditska vaj engleshitska atunchi akharas tut te aves kaj amari service kontora vaj te mares telefono kaj Skatteupplysningen, 0771-567 567.