Deklareralin taj potjin o skato
Khate rakhes informacijovo pe majbute šiben pa o deklaracijovo.
Khate šaj gines o maj importanto pa o deklaracijovo taj pa o potjinomo skato. Sa jekh teksto si vi švedicka taj vi pe avera šiban. Tu rakhes o teksto švedicka te pizdesa pe a jumako gojovo opral pa i šerutni rubrika.
Kana tut si love opral pa jekh učipe (nivå) site potjines skato. Kodo kon potjinel ande tuke si so potjinela ande o skato ando Skateverketo. O skato aba tele site avel cirdino kana tut delpe tjiri potjin. Tut si čačimo te avel tu potjinimasko specifikacijovo vadj sa kecavo sako vrama tut si potjinimo. O specifikacijovo sikavel ketji skato cirdine tele.
Ke hodj o skato mišto te avel site des ande jekh potjinimasko deklaracijovo e Skateverketoske jokhar ande o berš. Kadaleske phenelpe ke hodj tu deklaralis. O deklaracijovo si kodo so tu rodan anglakado berš so tu deklaralis.
Kana tu deklaralindan ginel avri o Skateverketo ke te si tjiro skato mišto. Pe e decemberesko palunimo ande kodo berš kana deklaralindan den tu jekh lil khatar o Skateverketo, jekh palunimasko skatosko informacija. Khote tordjol ke te trubuj te potjines (skatosko potjinimo) vadj ke den tu palpale skato (skatosko palpale potjinimo).
Kon te deklaralij?
Tu mindig site deklaralis te bišade tuke jekh deklaracijovo. O deklaracijovo avel pi pošta vadj ande tjiri digitalno lileskilada, te si tu kecavi (Billo, Kivra vadj aver Muri rajipeski pošta/Min myndighetspost).
Varikana site deklaralis vi tena avilas tu jekh deklaracijovo
Tuke tena avilas jekh deklaracijovo vi kade site deklaralis te phenesa jo pekadala varisave phendimata:
- Tu bešlan ando Švedo intrego 2023 taj sas tu majbut sar 22 207 koroni sar rodimo ke tut dine potjin, vadj sas tu korkori firma vadj dine tu dejange-dadenge love (föräldrapenning).
- Tu bešlan ando Švedo tela jekh vrama 2023 taj sas tu majbut sar 100 koroni rodimo ando Švedo ke tut dine potjin, sas tu korkori firma vadj dine tu dejange-dadenge love (föräldrapenning).
- Tut sas jekh kapitalno rodimo ando Švedo pe 200 kr vadj majbut tela o 2023. Jekh kapitalno rodimo šaj avel eksemplo renta pe e šporolime love vadj njerešego khatar e akciji vadj avera kučpapira (värdepapper). Šaj si vi rodimo khatar jekh biknimo vadj avri dinimo jekh kheresko.
- Tut sas rodimo khatar jekh maj cera manušengi firma tela 2023. Kado šaj si eksemplo avri ulajimo, ekonomicka mišto vadj aver dinajimo. Jekh maj cera manušengi firma si jekh akciengo kidipe kaso o majbut štar žene khetane sile majbut sar o dopaš anda e akciji.
- Tut sas jekh kher, vadj jekh rig anda o kher, 1 januari 2023. Jekh kher si eksemplo jekh vila, jekh vikendosko kher vadj jekh telko.
- Tuke avilo jekh lil khatar o Skateverketo (jekh manglimo) ke tu site des ande deklaracijovo. Jekh manglimo avel pa i pošta vadj ande tjiri digitalno lileskilada.
Tu trubuj te deklaralis vi te si tu rodimo anda jekh aver them sar o Švedo. Pi rig Deklaralin rodimo anda avera thema rakhes maj detalno informacijovo pa kado.
Tu so bešlan ande avere themes soro berš šaj ke trubuj te deklaralis ando Švedo.
So site avela ande ando deklaracijovo?
Khate si eksemplo po rodimo so trubuj ando deklaracijovo te avel ande:
- potjin taj aver dinimo so den tu ke keres butji
- penzia
- dejange-dadenge love taj pe jekh cajto so si dejange – dadenge love (föräldrapenning)
- renti pe e šporolime eksemplo ande jekh banko.
Khate si eksemplo po rodimo so či trubuj ando deklaracijovo te avel ande:
- etableringosko potjinimo etableringosko paša dinimo taj kheresko potjinimo
- socialna love
- šavorenge love, kherske love taj khereske paša dinimo
- sitjimaske love khatar o CSN.
Kana site tu deklaralis?
Tu site des ande tjire rodimasko deklaracijovo ka o Skateverketo maj palal 2 majuši.
Tu te deklaralisa maj palal 3 apriluši šaj den tu tjire eventuelna skatoske palpale potjinimaske love ando apriluši. De atunči tu trubus te deklaralis pa e-butje (e-tjänsten), sms, Skateverketosko apo vadj te kharen ande. Tu naštig paruves khanči numa. Sar eksemplo te den ande jekh bilaga ginelpe sar parujimo.
Tu te deklaralisa pala o 3 apriluši den tu e love maj palal ando berš.
Tut te trubuj majbut vrama te deklaralis
Tut te trubuj majbut vrama te deklaralis šaj manges te lešin (anstånd). Atunči tu šaj deklaralis maj palal 16 majuši. Amen trubuj tjiro ande mangimo pa o lešimo (anstånd) maj palal 2 majuši.
Tu šaj manges o lešimo (anstånd) kade:
- Te logalin ande po skatteverket.se, te si tu e-legitimacia
- Te kharen ande po Skatteupplysningo, 0771-567 567 (anda jekh aver them +46 8 564 851 60
- Te vizitalin jekh servizosko kontori
Sar iskiris ande ando deklaracijovo?
Kodo kon potjinel avri tjiro rodimo kodo informalij e Skateverketos ke hodj ketji rodan tela jekh berš. Andakodo o Skateverketo aba iskirindas ande kodala love ando deklaracijovo so tuke bišavel. E love so tu dikhes ando deklaracijovo si tjiro brutorodimo, tjiro rodimo anglakodo sar tele cirdine o skato.
Sa sogodi mišto te si
Te si mišto so ando deklaracijovo, tu trubuj numa te iskiris telal taj te des ande o deklaracijovo. Gin majbut telal Sar bišaves ande o deklaracijovo.
Te trubuj te paruves vadj te šos paše variso
Unjivar trubuj te paruves vadj te šos paše variso ando deklaracijovo. Kado šaj si eksemplo anda kodo ke tjira butjako dinitori čores das ande variso ka o Skateverketo vadj ke tu bikindan jekh kher vadj kučpapira (värdepapper).
Tu te trubuj te paruves vadj te šos paše variso trubuj tu te deklaralis ando e-servizo Rodimasko deklaracijovo 1 vadj pe e papiresko deklaracijovo. Ke te paruven o deklaracijovo ando e-servizo trubuj tu te avel tu jekh švedicko e-legitimacia. Jekh bi kodoj so tele šaj len si pa o drom pi butji taj palpale so šaj keres ando e-servizo kodonca. Gin maj but tela Sar bišaves tu ande o deklaracijovo.
Dine tu čačo fundamentalno tele cirdimo?
Kana tu bešes ando Švedo tut si butivar čačimo ka o fundamentalno tele cirdimo. Fundamentalno tele cirdimo si jekh cirdimo so o Skateverketo kerel pe tjiri rodimaski potjin, honorari (arvode) vadj sa kecavo anglakodo so ame ginas avri tjiro skato. Andakodo si butivar o tele cirdimo ke tu trubuj te potjines maj cera skato. Tut te si jekh korkorikani firma ande ginen o fundamentalno tele cirdimo is pe tjiro rodimo khatar kodo biznesi.
De khatar kodo berš kana pheres e 67 si o fundamentalno tele cirdimo maj učo.
Kade si e zakonura po fundamentalno tele cirdimo
- Tu te bešlan taj sas tu jekh rodimo ando Švedo tela o intrego berš si tu čačimo po fundamentalno tele cirdimo intrego berš.
- Tu te bešlan ande avera thema jekh vrama tela o berš de deklaralindan maj cera 90 procentura anda tjiro rodimo tela o berš ando Švedo, si tu čačimo po fundamentalno tele cirdimo po intrego berš.
- Tu te bešlan taj tut te sas rodimo ando Švedo tela jekh kotor anda o berš si tu čačimo po fundamentalno tele cirdimo pe kodala šona so bešlan khate.
O Skateverketo butivar kerdas o fundamentalno tele cirdimo ande tjrio deklaracijovo kana tuke denles. Tena ame kerdam kodo, vadj te gindis ke o fundamentalno tele cirdimo de za ceraj, trubuj tu korkori te iskiris tela o Maj aver informacija ketji šona tut sas butji ando Švedo tela o berš so sas taj ke tu kames fundamentalno tele cirdimo pe kodi vrama.
Sas tu košti so tu šaj cirdes tele?
Tut te sas košti ke te biris te keres butji, šaj varikana te cirdes tele ande tjiro deklaracijovo. O tele cirdimo kerel ke hodj o skato avela maj tele. Tu šaj keres eksemplo tele cirdimo po
- tu trubus dur te trades angle palpale ka tjiri butji
- tu bešes averka khatar tjiri familja andakodo ke khote keres butji.
Si tu korkorikani firma?
Tut te si korkorikani firma vi site iskiris ande jekh kecavi firmakibilaga (NE-bilaga). Kado des khetane tjire deklaracijovosa. Ande a firmaki bilaga iskiris ande pa tjiri firma. A firmaki bilaga bušol SKV 2161 taj tu šaj iskiris avri khatar o skatteverket.se vadj mangesles pa o telefono khatar o Skatteupplysningo po numeri 0771-567 567.
Si gajdo sar te iskiris tu o deklaracijovo. O gajdo si švedicka taj englišicka
Sar bišaves tu ande o deklaracijovo?
Tu šaj bišaves ande o deklaracijovo kade:
- ando apo Skateverketo
- sms: osa
- te kharen po telefono
- pa o e-servizo Rodimaskodeklaracijovo 1
- te bisaven ande papirosko deklaracijovo.
O teksto ando apo, sms-žutori, e-servizo taj o deklaracijovo si švedicka. Tu te deklaralis pa o telefono atunči tut šaj den informacijovo švedicka vadj englišicka.
Kodura po rodimasko deklaracijovo
Butivar si kodura po deklaracijovo so tuke bišade. E kodura šaj hasnis te deklaralis.
Tut tena naj kodura si kodo anda kodo ke tu trubunes te paruves variso po deklaracijovo.
Tu te xasardan e kodura naštig das tu neve. Kado si vi e kodura tena fungeralin ke variso kerdjilaspe ande tjiro deklaracivo sar o Skateverketo iskirindas ande.
Tut tena naj kodura ande kodalengo than šaj deklaralis ando e-servizo, te si tu e-legitimacia. Tena na meg šaj deklaralis po papiroskodeklaracijovo.
Ando apo
Tu šaj deklaralis ando apo sa mišto te si tuke:
- Tut si e-legitimacia vadj si tu jekh dekleraciovo kodonca.
- Tu numa muk lašo o deklaracijovo vadj muk lašo o deklaracijovo taj cirde tele pa o tradimo angle palpale pa i butji.
Kade dekleralis ando apo:
- Ladalin tele o apo Skateverketo.
- Ža ande e -legitimacijovosa vadj e kodosa te identifieralis tu so rakhes pe tjiro deklaracijovo. Iskrin tjire personlikane numera vadj sa kecave.
- Kontrolalin kodo so si po deklaracijovo ke hodj mištoj taj cirde tele e dromesko cirdimo te si tu čačimo pe kodo.
- Ker mišto (godkänn) o deklaracijovo e e-legitimacijovosa vadj e kodosa te iskirija telal so rakhes ando specifikacijovo po deklaracijovo telal. Tut den direkt jekh kvitenso pe kodo ke hodj deklaralindan. O kvitenso sikavel ke hodj tjiro deklaracijovo ande avilo ka o Skateverketo.
Sms:osa
Tu šaj deklaralis sms:osa sa te si mišto tuke
- Tut si jekh deklaracijovo kodonca
- Tu numa muk mišto o deklarciovo
- Tut si jekh švedicko mobil abonemango.
Kade deklaralis sms:osa:
- Le angle tjiro deklaracijovo taj kontrolalin ke hodj sa mištoj.
- Rakh tjire personlikane kodura. Ando specifikacijovo ka o deklaracijovoj.
- Le angle e kodura te iskiris telal. Sms: alin tjire personlikane numera vadj sa kecave taj e kodura po telal iskirimo po 71144. Na de či sosko themesko kodo angla o 71144, vi ande avere themes te san sar o Švedo. Na bister te bizdes šušo maškar o personlikano numeri taj o kodo po tele iskirimo. Eksemplo ÅÅMMDDNNNN 99999999
- Lešin po sms so palpale site bišaven. O sms:o ande zurarel ke hodj tu deklaralindan. Kado šaj lelpe vi deš minuti te avel.
- Sparalin o sms:o so zurarel.
O kodo po tele iskirimo tena fungeralij si kado ke variso ando deklaracijovo parudjilas sar kado bišade tuke. Atunči tu trubus te deklaralis e e- legitimacijovosa ando e-servizo Rodimaskodeklaracijovo 1 vadj po paprioskodeklaracijovo.
Te telefonazin
Tu šaj deklaralis pa o telefon te si tu jekh deklaracijovo kodonca taj numa trubuj te mukes sa mišto o deklaracijovo.
Kade deklaralis pa o telefono
- Le angle tjiro deklaracijovo taj kontrolalin ke hodj sa mištoj.
- Rakh tjire personlikane kodura. Ando specifikacijovo ka o deklaracijovoj.
- Telefonazin 020-567 100 (+46 8 764 92 40 tu te telefonazis anda avere themes sar o Švedo) Ker pala e ande khelde instrukciovura. E instrukciovura si englišicka vadj švedicka. Lešin mig jekh informacija ginelpe opre ando telefono. I informacija zurarel ke tjrio deklaracijovo reslas ande. O informacijovo sparalijpe, kade tu šaj telefonazis taj šaj šunes pale te kames.
Pa o e-servizo
Tut te si jekh švedicko e-legitimacijovo šaj keres sogodi e deklaracijovosa ando e-servizo Rodimasko deklaracijovo 1.
Tut tena naj jekh švedicko e-legitimacijovo, de dine tu jekh deklaracijovo kodonca, šaj logalis ande ando žutori kodonca so rakhes ando specifikacijovo ka o deklaracijovoj. Khote tu šaj mukes mišto o deklaracijovo taj šaj keres eventuelna dromesko tele cirdimo, de či soske avera parujimata.
Kade deklaralis tu ando e-servizo:
1. Logalin ande tjire legitimacijovosa vadj e kodosa po identiferingo so tu rakhes ando specifikacijovo ka tjiro deklaracijovo. Tu trubus te iskiris vi tjiro personlikano numeri vadj sa keceavo. O e-servizo si švedicka.
2. Kontrolalin e dati (uppgifter) ando deklaracijovo taj paruv so trubuj. Te logalindan ande e kodonca šaj cirdes tele o drom ka i butji taj palpale, de na avera parujimata.
3. Ker mišto o deklaracijovo tjire legitimacijovosa vadj e kodonca po telal iskirimo so tu rakhes ando specifikacijovo ka o deklaracijovo. Tut del direkt jekh kvitenco so sikavel ke tjiro deklaracijovo ande avilas ka o Skateverketo.
Po papirosko deklaracijovo
Tu te trubus te deklaralis butivar avilas tuke bišado ande iskirime o deklaracijovo po papiri vadj andi digitalno lileski lada, te si tut kecavo. Tena avilas tu kecavo deklaracijovo, de tu žanes ke trubus te deklaralis, šaj telefonazis ka o Skateverketosko infromacijovo vadj te žas ka jekh serviz kontori ke hodj te den tu jekh papirošicko deklaracijovo.
Kade deklaralis po papirosko deklaracijovo:
- Kontrolalin e dati (uppgifter) ando deklaracijovo.
- Te trubus te paruves variso: ker kade ke iskirin ande o nevo totalno suma ande kodi parni kocka pe kodo linje so kames te paruves.
- Iskirin telal o deklaracijovo.
- Šuv jekh bilego (frimärke) pi kuperta taj bišav o deklaracijovo
Skatteverket
Inläsningscentralen
Inkomstdeklaration 1
FE 8000
107 75 Stockholm
Aver variko te trubuj te deklaralij tuke
Tu šaj mukes aver variko te deklaralij tuke te žanes ke tuke phares avela te keresles korkori. Atunči tu trubus te manges khatar o Skateverketo ke hodj kodo ženo avela tjiro deklaracijovosko ombudo.
Mang majpala jekh šon angla kodo sar deklaralisa. Tu šaj manges ande Skateverketosko e-žutori Ombudo taj muklimo (behörigheter) vadj pe jekhe formularo (blankett). O formularo (blanketten) si englišicka taj švedicka. O e-servizi si numa švedicka.
Kana o Skateverketo mišto muklas tjiro deklaracijovoske ombudos kodo ženo majdur avla ando Skateverketosko registro ande mig tu či phenesa e Skateverketoske hodj kodo ženo aba naj tjiro ombudo.
Te den tu palpale skato – skatosko palpale potjinimo
Pala jekh vrama kana tu deklaralindan den tu tjire skatosko rezultato. Khote tordjol ke den tu palpale skato, soske phenen skatosko palpale potjinimo. E skatosko palpale potjinimo šaj si eksempel ke pe tjiro rodimo de za but skato cirdine tele.
Pe e skatosko rezultato tordjol ke ketji dena tut palpale.
Sar taj kana den tjiro skatosko palpale potjinimo?
Ke te den palpale e skatosko palpale potjinimo trubul tu te informalis e Skateverketos pa tjiro bankosko kontovo. Tena naj tu bankosko kontovo šaj te telefonalis e Skateverketoske informacijovos po 0771-567 567 vadj te žas pe jekhe servizoske kontoro.
Tu te desa tjiro konto numeri sa atunči kana dan ande tjire rodimasko deklaracijovo den tu e love automaticki pe tjiro konto. Tu te informalis tjiro konto numeri maj palal trubul tu korkori te manges te šon ande e love pe tjiro kontovo. Kado kerelp te telefonalis ka e Skatosko informacijovo 0771-567 567 vadj te žas pe jekh serviz kontoro.
Informalin kontonumeri ande jekh švedicko banko
Tut te si jekh švedicko e-legitimacjiovo tu šaj informalis e Skateverketos tjiro kontovosko numeri sa atunči kana tu deklaralis ando e-servizi Rodimasko deklaracijovo 1 vadj ande e Skateverketosko apo. Tu vi šaj des ande o konto ando e-servizi Skatosko konto.
Tut tena naj jekh švedicko e-legitimacijovo šaj tu informalis e Skateverketos tjiro konto numeri. Šaj keres kade:
vadj te iskiris ande ando formuleringo
Informalin konto numeri ande avere themesko banko
Tut tena naj švedicko konto numeri tu šaj les e skatoske palpale potjinimo pe jekh avere themesko bank kontovo.
Kade informalis tu e Skateverketos pa e avere themesko konto numeri:
- Iskirin jekh lil ke tu kames te informalis jekh avere themesko bank kontovo e Skateverketoske. Ando lil site avel ande:
- Tjiiro anav, tjiro švedicko personlikano numeri vadj kordinaciovosko numeri taj informacijovo pa kontakto ka o Skateverketo šaj resel tu.
- IBAN taj BIC pa e aver themesko bank kontovo.
- Tjiro tele iskirimo taj tjiro anav vorta te avel tele iskirime.
- Mang jekh originalno certifikato khatar e avere themesko banko. O certifikato naštig avel maj purano sar šov šon taj site informalij kado:
- Datumo kana o certifikato iskirindaspe.
- Tjiro anav taj tjire švedicka personlikane numera vadj kordinaciovosko numeri.
- Tjiro adresi taj tjiro telefonosko numeri.
- IBAN taj BIC pe tjiro bankosko konto.
- Telal iskirime khatar e bankosko butjari taj o anav vorta te avel tele iskirime.
- Bišav o lil pratu informacijovosa taj o certifikato ka:
Skatteverket
205 30 Malmö
O Skateverketo hasnij o konto numeri mig tu či informalis aver.
Potjin majbut skato – skato palpale
Pala jekh vrama kana tu deklaralindan den tu tjire skatosko rezultato. Khote tordjol te trubul majbut skato te potjis soske phenen skato palpale. O e skatoske palpale potjinimošaj si eksempel ke kodo rodimo ka keres butji de za cera skato potjindas ande e Skateverketoske.
Ande e skatosko rezultato tordjol vi ke ketji trubul te potjines taj kana ka o Skateverketo site aven e love maj palal.
Kana tu te potjines?
Tu site potjines tela e 90 djes de khotar sar tute reslas e skatosko rezultato. Datumo kana e love site aven pe Skateverketosko konto tordjol ande e skatosko rezultato, de tu šaj potjines e skatoske palpale potjinimo aba kana tjiro deklaracijovo reslas.
Renta
Sar tu te potjines?
Tu potjines po bankgirovo po bankgiro numeri 5050-1055. Šaj potjines vi Swish, de atunči site logalis ande pe o skatteverket.se jekhe švedickone e-legitimacijovosa taj ker pala o instrukciovo. O instrukciovo si numa švedicka.
Tu site potjines švedickone koronenca. Na bister te kontrolalis o aktuelno valutako kurzo.
Potjin pa o bankgirovo ando internetosko banko
Tu šaj potjines pa o bankgirovo ande tjiro internet banko. Atunči iskiris ande kodi summa so tu trubus te potjis taj tjiro OCR-numeri (referensnumeri). OCR-numeri tordjol po paluno skatosko rezultato taj pe tjiro rodimasko deklaracijovo.
Tu šaj les o OCR numeri khatar e Skateverketosko informacijovo, so si numa švedicka. Iskirin tjiro personikano numeri vadj sa kecavo andi kocka (ruta)Personikano – vadj organizacijovosko numeri. Pizde apal pi kocka (ruta).
Potjin pa o bankgirovo ande potjinimaska kartjasa
Tu te potjis pa o bankgirovo pa jekh ande iskirime potjinimaski kartja tu trubus numa i summa te iskiris ande. Tu šaj manges ande iskirime potjinimaski kartja te telefonazis ka e Skateverketosko informacijovo vadj te žan ka jekh serviz kontori.
Gindon tu ke lel variketji bankoske djesa mig e love aven ande ka o Skateverketo.
Potjin anda jekh aver themesko banko
Te potjinen anda jekh aver themesko banko fungeralij sa kade sar te potjinas anda jekh švedicko banko. Atunči kadala site iskiris ande:
- IBAN-nummeri: SE56 8000 0890 1196 4624 0516
- BIC-/Swiftkod: SWEDSESS
- Banko: Swedbank AB, SE-105 34 Stockholm
- Betalningsmottagare: Skatteverket, SE-831 87 Östersund
Tjiro personikano numeri vadj OCR-numeri
Jekh filmo sar tu des ande tjiro rodimasko deklaracijovo
Filmo pa deklaracijovo
O filmo sikavel sar tu des ande tjiro rodimasko deklaracijovo. Kado si tekstolime pe majbute šiben. Pizde po CC filmo te sikavel o teksto telal.
Khate šaj gines kodo so phenelpe ando filmo
Kana tu potjines o skato tu žutis te keren o societi mišto. Ke o skato te avel mišto tu trubus te deklaralis. Tu site deklaralis tjiro rodimo maj palal 2 majuši. Tuke den o deklaracijovo pa i pošta vadj ande tjiri digitalno lileski lada.
Pa tjiro majbut rodimo si ame po Skateverketo informacijovo. Sar eksempel khatar tjiro šefo, banko vadj Sekuritakikasa (Försäkringskassan). Kadala rodimata si aba ando deklaracijovo khatar ame so das tu.
Kade deklaralis tu: Le angluneske te dikhes perdal ke sa sogodi mištoj. Sa sogodi mišto te si, taj či kames te paruves khanči, vadj te šos paše, šaj keres gata o deklaracijovo e bank-id vadj e kodonca so si tu po papirošicko deklaracijovo. Tu keres kado letko ande Skateverkosko apo. Tu vi šaj deklaralis sms:osa, te telefonalin, te hasnin e-servizi vadj te bišaven papirošicko formula amenge.
Bikindan tu jekh kher vadj akciji, vadj tu san firmari? Atunči tu korkori trubuj te paruves vadj te šos ande e informaciji ando deklaracijovo.
Ando e-servizi ame angle kerdam jekh paše šutimo (bilaga) tuke bute informacijovosa ande iskirime. Tut te si čačimo te cirdes tele kosti, sar eksemple pe o tradimo angla palpale pi butji, tu trubus korkori te šos ande kadala informaciji ando deklaracijovo.
Gindon pe kodo angluneske te dikhes e zakonura po tele cirdimo kade ke te avel tu čačimo de khatar o anglunimo.
Kana tu deklaralindan žas ame perdal tjire informaciji taj ginas avri tjiro paluno skato. Kana ame sam gata delpe tjiro paluno skatosko informacija tuke. Khote dikhes ke tu dena skatoske palpale love vadj potjinesa skatosko palpale potjinimo.
Tuke so delape love palpale delape direkt pe tjiro bankosko kontovo te dan amende ande.
Tu te trubula te potjines palpale keres kodo pe e Skateverketosko bankgirovo vadj Swissosa. Majbut informacijovo pa o deklaracijovo rakhes po skatteverket.se/deklaration.
Tut te trubuj majbut informacijovo pa o deklaracijovo
Pi aver rig pe o skatteverket.se si majbut informacijovo pa e rodimasko deklaracijovo. Kado si numa švedicka taj unjivar englišicka.
Tut te trubuj majbut detalno informacijovo taj či hatjares švedicka vadj englišicka o teksto tu šaj aves andek serviz kontori vadj te telefonalis Skatosko informacija (Skatteupplysningen).
Kontakta oss
Aktuellt
-
Utlandsresa i jul? Pass på med namnet!
Många planerar just nu vad de ska göra under jul och nyår. Om du nyligen gjort e...
-
Kraftsamling för att knäcka gängens ekonomi
Tillsammans med Tullverket och Kronofogdemyndigheten fick Skatteverket i augusti...
-
Tips för dig som flyttat för att studera
Har du nyligen flyttat till studieorten? Då finns det några saker du behöver tän...
Tillsammans gör vi samhället möjligt